Dawˬmehˬ 8:5 - Akha

⁵ Tsawˇ haˬ tiˬ gʼaˬ yawˬ ha-euˬ zaˬ-ahˇ mehˬ-eu tsoˆ-eu loꞈ-ehˇ, naw maꞈ-ahˇ Miˬyehˇ mehˬ nehˬ tsoˆ nehˬ-euˬ gaˇ noeˬ keuˆ-awˬ. Kʼoeˇ miˇ neh, Sahˬpaˬ Miˬyehˇ naw maꞈ-ahˇ dawˬ biꞈ-euˬ loꞈ-ehˇ mˇ-awˬ.

Dawˬmehˬ 8:5 交叉參考

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

Jaceuq 89:32

aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ-awˇ, aˬ yawꞈ maꞈ mˇ lehˬ-euˬ loꞈ-ehˇ bi daˬ ma.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Dawqdaq 13:24

Daˇ cuiˇ neh maˬ zuiˆ-eu aˬ da-aˬ, yawˬ ha-euˬ aˬ li-ahˇ maˬ gaˬ-a. Yawˬ ha-euˬ zaˬ-ahˇ gaˬ-eu tsawˇ haˬ, yaw kʼaˆ kʼaˆ-ehˇ mehˬ-eu tsoˆ-eu meh.

Dawqdaq 3:11

Ngaˬ li-oˇ, Sahˬpaˬ Miˬyehˇ-euˬ zahˇ sahˇ kʼoꞈ-ahˇ yaw zeu baw-awˇ, aˬ yawꞈ mehˬ nehˬ tsoˆ nehˬ laꞈ ngeh nui ma taˬ cawˆ.

Dawqdaq 3:12

Aˬ jeˬ miˇ neh ehˇ naˇ, gaˬ-eu aˬ li-ahˇ aˬ da lawˬ haw-euˬ loꞈ-ehˇ, aˬ yawꞈ gaˬ-eu gʼaˬ-ahˇ Sahˬpaˬ Miˬyehˇ lawˬ haw-eu meh.

Dawˬ tsoˆ 7:14

Guiˬ lahˬ baw ngeh laˬ kʼaˬ cehˇ-awˇ, guiˬ lahˬ doeˇ ngeh yehˬ cehˬ cehˬ-awˬ. Nyiˬ jeˬ luꞈ Miˬyehˇ beh-euˬ meh. Ni shawˬ gaˇ kawˆ siˬ duˬ nya-eu, tsawˇ haˬ tiˬ gʼaˬ-iˬ maˬ jawˇ-a.

Iˇsaˬyaˇ 1:3

Mawˇ neˇ kʼawꞈ yawˬ ha-euˬ yaw sahˇ-ahˇ siˬ nya-awˇ, mahˬ tahˬ laˆ kʼawꞈ, yaw sahˇ gʼaˬ-euˬ mahˬ dzaˇ kʼawˇ lawˬ siˬ nya meh. Ehˇ kʼawꞈ, Iˇsaˬleˬlaˆ kʼoeˇ loꞈ-ehˇ maˬ siˬ nya-a. Ngaˬ-euˬ tsawˇ haˬ deuˬ maˬ noeˬ siˬ nya-a.”

Yeˬsaˬgeˬlaˇ 12:3

“Tsawˇ haˬ zaˬ-oˇ, aˬ cawˬ miˇ kʼahˬ-ahˇ cehˆ-euˬ tsawˇ haˬ loꞈ-ehˇ, myawˬ kuˬ shaˇ dawˆ-awˇ, uˬ ciꞈ maˬ zahˇ le mi naˆ-ehˇ doˆ-iˇ-awˬ. Nawˇ pawˇ-iˇ-eu yawˬ gʼaˬ na luꞈ-ahˇ bi mawˇ-awˬ. Ngaˬ-ahˇ puiˬ-eu tsawˇ haˬ kʼoeˇ deuˬ mawˇ luꞈ-uˇ.

Yeˬsaˬgeˬlaˇ 18:28

Aˬ yawꞈ yawˬ ha-euˬ yaw lehˬ noeˬ siˬ-awˇ, iˬ baˇ maˬ mˇ ni byehˇ-euˬ meh. Kʼoeˇ miˇ neh, aˬ yawꞈ maˬ ya shiˇ-ehˇ, yaw dehꞈ ya dehꞈ daˆ leꞈ tehꞈ-a.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

Dawˬmehˬ 1:31

Kʼoeˇ uˬ taꞈ, bawˇ tsahˬ bawˇ dahˇ laꞈ kʼoeˇ aˬ yawꞈ neh mˇ-euˬ gaˇ deuˬ-ahˇ kʼawꞈ, naw maꞈ ya mawˇ-euˬ meh. Aˬ da tiˬ gʼaˬ yawˬ ha-euˬ aˬ li-ahˇ ciˬ gʼeh-eu loꞈ-ehˇ, gaˇ pehˇ kahˇ li-ehˇ, heu gaˇ keuˆ ni naw maꞈ-ahˇ aˬ yawꞈ sheuˬ keuˆ laꞈ-euˬ meh’ lehˇ ngaˇ naw maꞈ-ahˇ ehˇ-euˬ maˬ ngeuˇ-a loˇ.

Dawˬmehˬ 4:23

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ dzaˬ taˬ-euˬ dawˬ ma saˇ jaˇ-ahˇ naw maꞈ maˬ ya ngehˇ ni yaw kʼaˆ kʼaˆ-ehˇ yahˇ-awˬ. Tahˬ pahˬ aˬ ma mawˇ kawˇ maˬ ya tehˆ-a lehˇ ehˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ-awˬ.

Dawˬmehˬ 4:36

Mˬ kʼoeˇ taˆ neh aˬ yawꞈ-euˬ teˇ saˇ bi gaˬ le-awˇ, naw maꞈ-ahˇ aˬ yawꞈ mehˬ nehˬ tsoˆ nehˬ-awˇ, miˇ tsaˬ kʼoeˇ taˆ aˬ yawꞈ-euˬ muiˬ-eu shawˇ-eu miˬ dzaˬ naw maꞈ-ahˇ bi mawˇ-awˇ, kʼoeˇ laꞈ kʼoeˇ naw maꞈ-ahˇ dawˬ ngehˬ cawˬ-euˬ meh.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Dawˬmehˬ 8:6

Aˬ yawꞈ-euˬ zahˇ dawˬ kʼoꞈ dawˬ-euˬ mehˬ nah caw teh-eu laꞈ kʼoeˇ yaw dehꞈ dehꞈ-awˇ, aˬ yawꞈ-ahˇ guˆ-awˬ.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.