Dawˬmehˬ 27:23 - Akha

²³ “ ‘Yawˬ ha-euˬ aˬ mawˬ zaˬ miˬ zaˬ gʼaˬ nehˬ-ehˇ yuꞈ taꞈ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 27:23 交叉參考

Uˬ duˬ 18:17

Yawˬ ha nehˬ-ehˇ yuꞈ taꞈ haw-euˬ zaˬ miˬ zaˬ tiˬ gʼaˬ-euˬ aˬ buˇ nehˬ-ehˇ maˬ ehˇ, oeˬ ma nehˬ-ehˇ maˬ ehˇ, maˬ ya yuꞈ taꞈ-a. Aˬ buˇ hawˇ-eu oeˬ ma kʼoeˇ-aˬ, zaˬ miˬ zaˬ kʼoeˇ gʼaˬ-euˬ zaˬ deuˬ pyeuꞈ-eu miˇ neh, nawˬ-ahˇ taꞈ-awˇ, kʼoeˇ loꞈ-ehˇ jahˇ naˇ, bahˬ-eu meh.

Uˬ duˬ 20:14

Tsawˇ haˬ tiˬ gʼaˬ na, aˬ ma hawˇ-eu aˬ buˇ tsaˬ-eu zaˬ miˬ zaˬ nyiˬ gʼaˬ luꞈ-ahˇ sheuˬ naˇ, aˬ yawꞈ maꞈ smˇ gʼaˬ luꞈ miˬ dzaˬ-ahˇ dzah puiˆ sehꞈ gaˇ ya daˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ yehˬ bawˬ sehˇ lu-ehˇ dehꞈ-eu meh. Kʼoeˇ loꞈ-ehˇ gʼeh-eu jeˬ naw maꞈ laꞈ kʼoeˇ maˬ ya bi doˆ laˇ-a.

Dawˬmehˬ 27:24

“ ‘Tsawˇ haˬ-ahˇ ciˬ cuˇ ni sehꞈ kʼoeˬ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.