Aˇ dahˬ 9:3 - Akha

³ Kʼoeˇ deuˬ-ahˇ maˬ ehˇ, sahˬ lahˬ gʼawˬ daˇ deuˬ-ahˇ maˬ ehˇ, naw maꞈ dzaˬ nya tehꞈ-a. Kʼoeˇ deuˬ dawˬ tawˆ luꞈ naw maꞈ bi dzaˬ-eu gʼaˇ duˬ, naw maꞈ-ahˇ ngaˇ biꞈ-eu ma.

Aˇ dahˬ 9:3 交叉參考

Aˇ dahˬ 9:2

Jeˬ zaˬ hawˇ-eu ho zaˬ nga jiˇ dawˬ tawˆ luꞈ maˬ ehˇ, ngaˬ shaˬ ngaˬ deˇ dawˬ tawˆ luꞈ maˬ ehˇ, naw maꞈ-ahˇ ya guˆ-awˇ, kʼoeˇ deuˬ dawˬ tawˆ luꞈ naw maꞈ uˆ lahˇ-eu baoˬ uˬ moˆ ya jawˇ tehꞈ-a.

Uˬ duˬ 22:8

Aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, aˬ yawꞈ maˬ ya dzaˬ-a. Kʼoeˇ loꞈ-ehˇ dzaˬ naˇ, yawˬ haˇ yawˬ ha maˬ shawˇ-ehˇ pyeuꞈ-iˇ ni jahˇ gaˇ duˇ-eu meh. Ngaˇ-aˬ, Sahˬpaˬ Miˬyehˇ ma.

Lormav 14:14

Ngaˇ Sahˬpaˬ Yeˬsuˇ nehˬ-ehˇ taꞈ-eu laꞈ kʼoeˇ dzaˬ-eu dawˇ-eu jeˬ-aˬ, maˬ muiˬ maˬ shawˇ-eu tiˬ jeˬ-iˬ maˬ jaˆ-aˇ lehˇ jah duˬ taˬ-euˬ ma. Ehˇ kʼawꞈ, tsawˇ haˬ tiˬ gʼaˬ na, dzaˬ dzaˬ dawˇ dawˇ tiˬ jeˬ na maˬ shawˇ-a lehˇ jah-eu ngeuˇ naˇ, dzaˬ dzaˬ dawˇ dawˇ kʼoeˇ aˬ yawꞈ gʼaˇ duˬ maˬ shawˇ-eu jeˬ pyeuꞈ laˇ-euˬ meh.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 14:20

Dzaˬ dzaˬ dawˇ dawˇ baˬ da neh Miˬyehˇ neh mˇ taˬ-euˬ jeˬ-ahˇ taˬ laˆ cawˆ. Dzaˬ-eu jeˬ dawˬ tawˆ luꞈ yaw shawˇ meh. Ehˇ kʼawꞈ, aˬ cawˬ gʼaˇ duˬ iˬ baˇ bi doˆ laˇ-eu jeˬ-ahˇ dzaˬ-eu maˬ tsaˬ-a.

Lormav 14:3

Yawˬ jeˬ na luꞈ dzaˬ-eu tsawˇ haˬ-aˬ, maˬ dzaˬ-eu tsawˇ haˬ-ahˇ taˬ nyiˇ-eu maˬ tsaˬ-a. Yawˬ jeˬ na luꞈ maˬ dzaˬ-eu gʼaˬ kʼawꞈ, dzaˬ-eu gʼaˬ-ahˇ iˬ baˇ poˆ-eu maˬ tsaˬ-a. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ ha geuꞈ taˬ-euˬ meh.

1 Gawˇliˬtu 10:23

“Yawˬ jeˬ na luꞈ mˇ kʼmˬ meh.” Ehˇkʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Yawˬ jeˬ na luꞈ mˇ kʼmˬ meh.” Ehˇ kʼawꞈ, yawˬ jeˬ na luꞈ guiˬ lahˬ baw-eu maˬ ngeuˇ-a.

1 Gawˇliˬtu 10:31

Kʼoeˇ miˇ neh, dzaˬ-eu maˬ ehˇ, dawˇ-eu maˬ ehˇ, kʼaˇ mˇ kʼaˇ shaˇ-eu yawˬ jeˬ na luꞈ Miˬyehˇ-euˬ yaw shehꞈ kʼahˬ sehˇ doˆ laˇ ni mˇ-awˬ.

Dawˬmehˬ 12:15

“Ehˇ kʼawꞈ, naw maꞈ kʼaˇ jawˇ-eu jawˇ duˬ-ahˇ, naw maꞈ-euˬ jeˬ zaˬ sehꞈ-awˇ dzaˬ nya meh. Shawˇ-eu tsawˇ haˬ maˬ ehˇ, maˬ shawˇ-eu tsawˇ haˬ maˬ ehˇ, ciˇ haˬ hawˇ-eu kʼaˬ tsehˆ-euˬ shaˬ jiˇ dzaˬ nya-eu loꞈ-ehˇ, jeˬ zaˬ kʼoeˇ deuˬ-euˬ shaˬ jiˇ dzaˬ nya meh.

Gawˇlawˇsehˇ 2:16

Kʼoeˇ miˇ neh, naw maꞈ dzaˬ-eu dawˇ-eu gaˇ kawˆ maˬ ehˇ, nah lah lah-eu gaˇ kawˆ maˬ ehˇ, la loˆ la tsehˆ lah-eu gaˇ kawˆ maˬ ehˇ, Jawˇ nah tawˬ-eu gaˇ kawˆ maˬ ehˇ, tsawˇ haˬ tiˬ gʼaˬ neh-iˬ naw maꞈ gʼaˇ duˬ zahˇ sahˇ kʼoꞈ taˬ bi taˬ.