Aˇ dahˬ 49:9 - Akha

⁹ Yuˇdaˆ-aˬ, aˇ laˬ jaˬ shiˇ-ahˇ duˇ-eu meh. Aˬ cawˬ-ahˇ kawꞈ sehꞈ dzaˬ gʼaˬ-awˇ, yawˬ ha-euˬ lo kʼahˬ-ahˇ paˇ gʼoꞈ yuꞈ laˇ-eu meh. Kʼaˇ cah mawꞈ gaˇ cah-awˇ, kʼaˇ yuꞈ mawꞈ gaˇ yuꞈ kʼawꞈ, aˬ yawꞈ-ahˇ tiˬ gʼaˬ-iˬ maˬ laˆ ciˆ peuˬ-a.

Aˇ dahˬ 49:9 交叉參考

1 Sahˬpaˬ 10:20

Dawˬ dzm dawˬ tehꞈ aˬ yawꞈ tehꞈ yawꞈ-euˬ kʼoeˇ paˆ ma paˆ-ehˇ, aˇ laˬ jaˬ shiˇ mawˇ kawˇ tiˬ paw tiˬ kawˇ yawꞈ luꞈ-awˇ, aˇ laˬ jaˬ shiˇ mawˇ kawˇ kʼoeˇ dawˬ tawˆ luꞈ tseˇ nyiꞈ kawˇ byah-eu meh. Nuiˇ mahˬ kʼoeˇ mahˬ-ahˇ duˇ-eu nuiˇ mahˬ miˇ kʼahˬ tiˬ kʼahˬ-ahˇ-iˬ maˬ jahˇ haw-aˬ.

2 Laˬsaˬbaˬ 9:18

Nuiˇ mahˬ kʼoeˇ mahˬ-ahˇ daˆ leˇ-eu dawˬ dzm dawˬ tehꞈ koꞈ tehꞈ baw-awˇ, shuiˇ yaw taˬ-euˬ aˬ kuiˇ cawˬ taˬ duˬ tiˬ hmˬ jahˇ tsoꞈ taˬ-euˬ meh. Nuiˇ mahˬ-euˬ kʼoeˇ paˆ ma paˆ-ehˇ aˬ laꞈ baꞈ daˆ duˬ jaˆ-awˇ, aˇ laˬ jaˬ shiˇ mawˇ kawˇ tiˬ paw dzeˇ paˆ tiˬ kawˇ yawꞈ luꞈ-eu meh.

Yeˬsaˬgeˬlaˇ 19:5

Aˬ ma kʼoeˇ mawˇ noeˬ tmˬ-euˬ jeˬ, cawˆ-iˇ shaw-euˬ gaˇ ya mawˇ ngeh, zaˬ tiˬ mawˇ paˇ bo saˆ huiˬ-awˇ, jaˬ shiˇ yaw loˆ huiˬ laˇ-euˬ meh.

Hawˇseˬ 5:14

Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Hawˇseˬ 5:4

Miˬyehˇ jawˇ gaˇ maˬ gʼoꞈ leˇ ni, aˬ yawꞈ maꞈ neh mˇ-euˬ yaw lehˬ, aˬ yawꞈ maꞈ-ahˇ gʼeu tehˬ-eu meh. Miˬ yehˇ nui deuˬ-ahˇ gʼoe-eu jeˬ, nui ma laꞈ kʼoeˇ ciˇ tahˬ iˇ-awˇ, Sahˬpaˬ Miˬyehˇ-ahˇ maˬ siˬ-a.

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Bawˇtsahˬ 23:24

Iˇsaˬleˬlaˆ tsawˇ jeuˬ-aˬ, baoˬ huiˬ-eu aˇ laˬ jaˬ shiˇ-ahˇ duˇ-eu meh. Aˬ yawꞈ neh kawꞈ sehꞈ-euˬ jeˬ zaˬ-euˬ shiˬ dawˇ gʼaˬ-awˇ, shaˬ jiˇ maˬ kawꞈ dzaˬ jiˇ kʼoeˇ keuˆ ni aˬ yawꞈ maˬ naˬ-a.”

Bawˇtsahˬ 24:9

Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh. Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a. Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu tsawˇ haˬ guiˬ lahˬ za-awˇ, Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a”

1 Gawˇliˬtu 15:24

Kʼoeˇ naˇ, aˇ saˬ saˬ-eu aˇ nah aˇ yamˬ keuˆ le tehꞈ-a. Kʼoeˇ ngeh, Ka li-aˬ, uˆ lahˇ luꞈ-eu mˬ sahˇ miˇ sahˇ dawˬ tawˆ luꞈ-ahˇ maˬ ehˇ, sahˬ paˬ sahˬ ma dawˬ tawˆ luꞈ-ahˇ maˬ ehˇ, baoˬ dawˬ tawˆ luꞈ-ahˇ maˬ ehˇ, deuˆ gʼaˬ jiˇ-awˇ, aˬ yawꞈ-euˬ miˇ kʼahˬ Aˬda Miˬyehˇ-ahˇ a nehˬ tehꞈ-a.

Dawˬmehˬ 33:20

Gaˆ-euˬ gaˇ kawˆ Moˇseˬ ehˇ-eu, “Yawꞈ maꞈ miˇ kʼahˬ bi jeˇ laˇ ni, Miˬyehˇ mˇ-euˬ gaˇ ja ceuˬ-awˬ. Aˬ laꞈ kawꞈ tsehˆ dzeh nehˬ-eu lehˇ, uˬ duˬ gʼeu yawˆ dzeh nehˬ-eu lehˇ, aˇ laˬ jaˬ shiˇ loꞈ-eu loꞈ-ehˇ, Gaˆ tsawˇ haˬ deuˬ loꞈ luꞈ-eu meh.

Panmaeq 5:5

Kʼoeˇ ngeh, aˬ yuiꞈ aˬ tsu kʼoeˇ deuˬ laꞈ kʼoeˇ tiˬ gʼaˬ, ngaˬ-ahˇ heu loꞈ-ehˇ ehˇ-eu meh. “Taˬ ngoeˇ. Haw-awˬ. Yuˇdaˆ tsawˇ jeuˬ-euˬ Aˇ laˬ jaˬ shiˇ pyeuꞈ-eu, Daˬbiˇ-euˬ Duˬ ciˇ kʼoeˇ gʼaˬ guiˇ deuˆ gʼaˬ-euˬ meh. Jmˬ shiꞈ tsahˇ diˬ taˬ-euˬ kʼoeˇ aˬ yawꞈ ngawˬ paˆ-awˇ, sahˬ boꞈ paˇ yoˆ pah nya meh.”