Aˇ dahˬ 38:26 - Akha

²⁶ Myawˬ kʼoeˇ deuˬ-ahˇ Yuˇdaˆ ya mawˇ ngeh, aˬ yawꞈ-euˬ myawˬ pyeuꞈ-eu tiˬ poˆ tehꞈ-ehˇ haw siˬ-awˇ, “Zaˬ miˬ zaˬ heu gʼaˬ maˬ lehˬ-a. Ngaˇ aˬ yawꞈ-ahˇ mˇ nehˬ paˬ-ehˇ gʼeh-eu jeˬ maˬ mˇ nehˬ-euˬ miˇ neh, ngaˬ-ahˇ neh ahˇ-eu meh. Ngaˇ aˬ yawꞈ-ahˇ ngaˬ li Sheˬlahˬ nehˬ-ehˇ bi sheuˬ dahˬ dzaˬ paˬ-ehˇ gʼeh-eu meh” lehˇ ehˇ-eu meh. Kʼoeˇ naˇ, zaˬ miˬ zaˬ kʼoeˇ gʼaˬ nehˬ-ehˇ Yuˇdaˆ tiˬ jawˇ-iˬ maˬ paˇ yuꞈ taꞈ ni jawˇ-euˬ meh.

Aˇ dahˬ 38:26 交叉參考

1 Saˬmeuˬlaˆ 24:17

Kʼoeˇ naˇ, Daˬbiˇ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ-aˬ, ngaˇ naˆ maˬ tseˇ tsaˬ-eu dawˇ-eu tsawˇ haˬ pyeuꞈ-eu meh. Nawˬ-ahˇ ngaˇ yaw doeˇ mˇ nehˬ-euˬ kʼawꞈ, nawˇ ngaˬ-ahˇ yaw muiˬ jeˬ mˇ kʼoꞈ nehˬ laꞈ-euˬ meh.

Yoˇhaˬ 8:9

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, aˇ kʼoꞈ kʼawˆ dzehˬ-eu deuˬ jeˬ huˬ huˬ-awˇ, tiˬ gʼaˬ saˇ-iˬ tiˬ gʼaˬ gʼoꞈ doˆ-iˇ jiˇ-euˬ meh. Yeˬsuˇ tiˬ gʼaˬ tehꞈ-ehˇ kʼoeˇ gaˇ jawˇ yaꞈ-awˇ, zaˬ miˬ zaˬ kʼoeˇ gʼaˬ kʼoeˇ gaˇ yawꞈ luꞈ-eu meh.

Lormav 13:12

Uˬ ciꞈ buˬ-iˇ-awˇ nah gʼahˇ keuˆ le-eu dawˬ peh peh laˇ-euˬ meh. Yaw zahˇ-ahˇ taꞈ-eu gaˇ deuˬ aˬ dui maˬ mˇ ni naˬ leˇ-awˇ, yaw bya laꞈ kʼoeˇ deuˆ ceh ceh-eu keu ka deuˬ-ahˇ dm kaˇ-euˇ.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Maꞈtehˬ 3:8

Naw maꞈ iˬ baˇ noeˬ poˆ-euˬ gaˇ kawˆ bya cehˆ ni siˬ duˬ mawˇ duˬ laˇ paˬ-ehˇ dehꞈ-awˬ.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Yeˬsaˬgeˬlaˇ 16:52

Nymˬ-mˇ poˆ jawˇ-aˬ, shaꞈ dawˇ dui dui-eu jeˬ-ahˇ nawˇ ya daˬ tehꞈ-a. Nawˬ-euˬ iˬ baˇ-aˬ, nawˬ-euˬ mehˇ nmˇ aˬ buˇ kʼoeˇ nyiˬ gʼaˬ-euˬ iˬ baˇ myaˆ maˬ tseˇ myaˬ dui dui-eu miˇ neh, aˬ yawꞈ nyaꞈ iˬ baˇ ahˇ gaˇ maˬ duˇ-a. Shaꞈ dawˇ dui dui-eu jeˬ-ahˇ nawˇ daˬ-awˬ. Aˬ jeˬ miˇ neh naˇ, nawˬ-euˬ mehˇ nmˇ kʼoeˇ nyiˬ gʼaˬ-euˬ iˬ baˇ aˬ cawˬ haw byoˆ gaˇ keuˆ ni, nawˬ-euˬ yaw lehˬ aˇ dzehˬ dzeuˇ-euˬ meh.”

Yawˇbaˆ 40:5

Ngehˬ paˬ tmˇ paˬ-ehˇ gʼeh-eu naˆ maˬ tseˇ ngaˇ ngehˬ dzeuˇ tmˇ dzeuˇ taˬ-euˬ ma.”

Yawˇbaˆ 4:5

Nymˬ-mˇ poˆ jawˇ nawˇ gʼaˬ shaˬ-eu zahˬ-eu jeˬ ya tahˬ puˬ-awˇ, nawˇ maˬ daˬ coeˇ gaˇ duˇ-eu meh.

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

2 Saˬmeuˬlaˆ 20:3

Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ hawˇ nymˇ-ahˇ Daˬbiˇ gʼoꞈ keuˆ leˇ ngeh, aˬ yawꞈ-euˬ nymˇ bi loꞈ yaꞈ-euˬ ma nyiˇ kʼoeˇ tseˇ gʼaˬ-ahˇ yaw muiˬ paˬ-ehˇ haw piˇ nehˬ-awˇ bi jawˇ-euˬ meh. Aˬ yawꞈ maꞈ kʼaˇ loˬ-eu jeˬ aˬ yawꞈ caw ba nehˬ-euˬ meh. Ehˇ kʼawꞈ, aˬ yawꞈ maꞈ nehˬ-ehˇ aˬ yawꞈ maˬ yuꞈ taꞈ-a. Aˬ yawꞈ maꞈ ziˇ dehꞈ jiˇ ngeh keuˆ ni, kʼoeˇ loꞈ-ehˇ ka lahˇ taˬ-awˇ, miˬ coeˬ miˬ ma loꞈ-ehˇ bi jawˇ-euˬ meh.

2 Saˬmeuˬlaˆ 16:22

Kʼoeˇ naˇ, sahˬ paˬ-euˬ hawˇ nymˇ-euˬ nymˇ mˬ kʼoeˇ taˆ , Aˬbaˇsaˬloˬ gʼaˇ duˬ aˬ yawꞈ maꞈ sehˬ gʼawˆ gʼawˆ-awˇ, tsawˇ haˬ dawˬ tawˆ luꞈ haw mawˇ gaˇ, aˬ yawꞈ aˬ da-euˬ ma nyiˇ kʼoeˇ deuˬ nehˬ-ehˇ Aˬbaˇsaˬloˬ yuꞈ taꞈ-euˬ meh.

Aˇ dahˬ 38:14

Kʼoeˇ ngeh, Taˬmaˬ-aˬ, aˬ yawꞈ dm luꞈ-eu miˬ coeˬ miˬ ma deuˬ dm-eu mehˬ tsoeˬ lehˆ dzeh-awˇ, aˬ yawꞈ-euˬ myaˆ pyawˬ-ahˇ paˇ jeh dehˬ kaˬ-awˇ, Tmˇnahˬ meuˬ-ahˇ iˇ-eu gaˇ ma-ahˇ jaˆ-eu Eˬneˬ meuˬ-euˬ lahˇ kʼehˬ-ahˇ nuiˇ-awˇ loꞈ-euˬ meh. Aˬ jeˬ miˇ neh ehˇ naˇ, Sheˬlahˬ huiˬ loˆ laˇ-awˇ, zaˬ daꞈ daꞈ laˇ-euˬ gaˇ aˬ yawꞈ ya mawˇ-euˬ kʼawꞈ, aˬ yawꞈ-ahˇ maˬ bi sheuˬ le-eu miˇ neh, aˬ yawꞈ kʼoeˇ loꞈ-ehˇ jahˇ-euˬ meh.

Aˇ dahˬ 37:33

Pehˇ kʼahˬ kʼoeˇ kahˇ-ahˇ Yaˬkoˆ ya mawˇ ngeh, aˬ yawꞈ aˬ li-euˬ pehˇ kʼahˬ nga lehˇ tiˬ poˆ tehꞈ-ehˇ haw siˬ-awˇ, “Ngeuˇ ngaˇ. Ngaˬ li-euˬ pehˇ kʼahˬ ngaˇ. Ngaˬ li-aˬ, bawˇ tsahˬ jeˬ zaˬ neh bi laˆ sehꞈ-euˬ nga. Ngaˬ li Yoˇsehˆ-aˬ, bawˇ tsahˬ jeˬ zaˬ neh bi cehˬ pyaˬ bi cehˬ shaˇ jiˇ-euˬ nga” lehˇ ehˇ-eu meh.

Aˇ dahˬ 4:1

Kʼoeˇ naˇ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ jawˇ taꞈ-awˇ, Eˇbaˆ aˬ nyiˇ pi leˇ-euˬ meh. Eˇbaˆ aˬ nyiˇ ciˬ ngeh, “Sahˬpaˬ Miˬyehˇ-euˬ guiˬ lahˬ baˬ da neh aˬ li tiˬ li jawˇ le-euˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Gaˬiˇnaˆ lehˇ myahˇ nehˬ-euˬ meh.

1 Saˬmeuˬlaˆ 24:18

Nawˇ ngaˬ-euˬ kʼoeˇ taˆ aˇ naˆ ni muiˬ-eu tsawˇ haˬ pyeuꞈ-eu gaˇ kawˆ, iˬ nah nawˇ bi siˬ bi mawˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ gʼaˬ-euˬ kʼawꞈ, nawˇ ngaˬ-ahˇ maˬ sehꞈ-a.