Eˬdoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ tsawˇ haˬ deuˬ tsawˇ gahˇ maˬ paˇ ahˇ mehˬ loˇ. Aˬ yawꞈ maꞈ-ahˇ nui noeˬ nui duˇ biꞈ-eu deuˬ, aˬ joˆ-ehˇ ya jahˇ-eu gaˇ kawˆ aˬ yawꞈ maꞈ-ahˇ maˬ paˇ ehˇ nehˬ nya meh loˇ. Aˬ yawꞈ maꞈ-euˬ zaˬ siˬ tsawˇ gahˇ dawˬ tawˆ luꞈ byoˆ jiˇ mehˬ loˇ.
Smˇ kʼoeˬ deuˬ nawˇ jawˇ gaˇ oe-awˇ, tahˇ joe deuˬ uˬ ciꞈ paw oe ngeh, aˬ yawꞈ maꞈ maˬ geuꞈ mawꞈ-eu jeˬ, maˬ yuˇ jiˇ ni byehˇ yaꞈ tehꞈ-a. Aˬ gaꞈ aˇ siˬ pyaˆ-eu deuˬ kʼawꞈ, maˬ pyaˆ jiˇ ni bi dzeˇ tehꞈ-a. Ehˇ kʼawꞈ, nawˬ-ahˇ muiˇ-eu kʼoeˇ deuˬ, nawˬ-ahˇ laˆ cawˆ-eu lehˇ oe ngeh, tiˬ jeˬ-iˬ maˬ bi dzeˇ yaꞈ-aˇ.