Aaˇbaˬdiˇ 1:11 - Akha

¹¹ Muiˇ-eu deuˬ Yeˬluˇsaˬlehˬ-euˬ, meuˬ lahˇ laˇ gʼoˆ deh pyaˆ ngeh nah, nawˇ yahˇ pawˇ-awˇ yawꞈ luꞈ-eu meh. Yeˬluˇsaˬlehˬ meuˬ-euˬ myawˬ gahˬ, baꞈ doˆ gʼeh-awˇ biˇ geuꞈ jiˇ-euˬ, boeˇ miˬ siˬ kʼaˬ kʼoeˇ deuˬ loꞈ-ehˇ, nawˇ kʼawꞈ doeˇ dui dui-eu gʼaˬ meh.

Aaˇbaˬdiˇ 1:11 交叉參考

2 Sahˬpaˬ 25:11

Meuˬ laꞈ kʼoeˇ dzeˇ yaꞈ-euˬ tsawˇ haˬ deuˬ hawˇ-eu laꞈ myawˬ laꞈ sawˆ nya-eu deuˬ-ahˇ, Baˬbuˇloˬ sahˬ paˬ jawˇ gaˇ cehˆ jawˇ leˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ miˇ kʼahˬ-ahˇ Neˬbuˬzaˬlaˬdaˬ neh sheuˬ gʼeh-euˬ meh.

Jaceuq 137:7

Yeˬluˇsaˬlehˬ meuˬ-ahˇ deuˆ gʼaˬ ngeh nah, Eˬdoˬ tsawˇ haˬ deuˬ neh jahˇ nehˬ laꞈ-euˬ jeˬ-ahˇ taˬ ngehˇ. “Meuˬ teu meuˬ miˇ tsa tuˆ ni laˆ meuˇ nehˬ-awˬ” lehˇ, aˬ yawꞈ maꞈ ehˇ nawˆ nawˆ-euˬ gaˇ taˬ ngehˇ.

Jaceuq 50:18

Smˇ kʼoeˬ kʼaˇ tahˬ puˬ le gaˇ naw maꞈ cawˬ cawˬ taꞈ-awˇ, aˬ cawˬ-euˬ miˬ zaˬ yo zaˬ-ahˇ bahˬ-eu deuˬ nehˬ-ehˇ, naw maꞈ mehˬ bawˬ gm-eu meh.

Jaceuq 83:5

Aˬ yawꞈ maꞈ nui ma tiˬ gaˇ taꞈ-awˇ, nawˬ-ahˇ deuˆ-eu gʼaˇ duˬ gm leˇ-euˬ meh.

Jaceuq 83:6

Eˬdoˬ tsawˇ jeuˬ hawˇ-eu Iˇshaˬmeˬlaˇ tsawˇ jeuˬ maˬ ehˇ, Mawˇbaˆ tsawˇ jeuˬ hawˇ-eu Haˬgaˬlaˇ tsawˇ jeuˬ maˬ ehˇ,

Yeˬsaˬgeˬlaˇ 35:10

“Sahˬpaˬ Miˬyehˇ pyeuꞈ-eu ngaˇ, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-euˬ Miˬyehˇ pyeuꞈ luꞈ-eu kʼawꞈ, miˇ kʼahˬ kʼoeˇ nyiˬ kʼahˬ hawˇ-eu kʼoeˇ gaˇ kʼaˇ taꞈ-eu miˇ tsaˬ deuˬ, nawˇ yuˇ ma lehˇ ehˇ-eu meh.

Yawˇlaˆ 3:3

Ngaˬ-euˬ tsawˇ haˬ nyehꞈ mi taˬ-euˬ, shehˆ tsaˬ tsaˬ-awˇ biˇ geuꞈ-euˬ meh. Nyehꞈ taˬ-euˬ aˬ buˇ aˬ li deuˬ, zaˬ kʼaˆ zeuˇ laˇ gaˇ ahˬ dzaˬ-awˇ, za-euˬ pyuˇ neh jiˇ baˬ dawˇ-awˇ, meh maˬ laˇ-ahˇ byawˬ gʼa-euˬ meh.

Aˬmoˆ 1:6

Sahˬpaˬ Miˬyehˇ ehˇ-eu, “Gaˬzaˬ meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni aˬ yawꞈ maꞈ nyehꞈ gʼeh-awˇ, aˬ cawˬ zaˬ kʼaˆ bi geuꞈ-eu gʼaˇ duˬ Eˬdoˬ miˇ kʼahˬ-ahˇ ahˬ dzaˬ-iˇ-euˬ meh.

Aˬmoˆ 1:9

Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.

Naˬhmˬ 3:10

Ehˇ kʼawꞈ, aˬ yawꞈ-ahˇ paꞈ tawꞈ-awˇ, bi nyehꞈ byoˆ-euˬ maˬ ngeuˇ-a loˇ. Gaˇ gʼoꞈ gaˇ tsmˇ kʼaˇ tsmˇ le gaˇ, aˬ yawꞈ-euˬ zaˬ bi diˬ sehꞈ-awˇ, aˬ yuiꞈ aˬ tsu bi geuꞈ-euˬ deuˬ, tiˬ paw tiˬ gʼaˬ shmˇ caˆ paꞈ-awˇ, bi tsahˇ byoˆ-euˬ maˬ ngeuˇ-a loˇ.

Zeˬpaˬniˇ 2:10

Sahˬpaˬ Miˬyehˇ-euˬ tsawˇ haˬ-ahˇ, yehˬ bawˬ-ehˇ ehˇ nehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.