2 Saˬmeuˬlaˆ 19:21 - Akha

²¹ Zeˬluˇyaˆ-euˬ aˬ li Aˬbiˇshaiˇ ehˇ-eu, “Shiˇmiˇ-ahˇ sehꞈ-eu tsaˬ meh. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ sahˬ paˬ Miˬyehˇ neh tseˇ doˆ taˬ-euˬ gʼaˬ-ahˇ aˬ yawꞈ yaˬ kʼehˇ yaˬ-euˬ meh.”

2 Saˬmeuˬlaˆ 19:21 交叉參考

2 Saˬmeuˬlaˆ 16:13

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ gaˇ ma caw caw-ehˇ le gʼeh leꞈ-euˬ meh. Shiˇmiˇ gʼaˬ kʼawꞈ, gawˬ duˇ baˬ gʼaˬ caw caw-ehˇ aˬ yawꞈ maꞈ-euˬ mehˬ nah kʼaˇ miˇ maˬ miˇ cah-awˇ, yaˬ kʼehˇ yaˬ-eu laꞈ kʼoeˇ kʼaˬ lo biˬ-awˇ miˇ tsaˬ byaˆ byaˆ ehˇ caw teh-euˬ meh.

2 Saˬmeuˬlaˆ 16:5

Baˬhuˇleˬ meuˬ-ahˇ sahˬ paˬ Daˬbiˇ le keuˆ ngeh, Sawˇluˆ-euˬ aˬ yuiꞈ aˬ nyiˇ Geˬlaˬ-euˬ aˬ li Shiˇmiˇ gʼaˬ, aˬ yawꞈ-ahˇ yaˬ kʼehˇ yaˬ yaˬ-ehˇ, aˬ yawꞈ jawˇ gaˇ oe-euˬ meh.

2 Saˬmeuˬlaˆ 16:9

Zeˬluˇyaˆ-euˬ aˬ li Aˬbiˇshaiˇ ehˇ-eu, “Sahˬ paˬ-oˇ, aˬ jeˬ miˇ neh aˬ kuiˬ kuiˬ uˬ teu mawˇ nawˬ-ahˇ yaˬ kʼehˇ yaˬ yaˬ-ehˇ bi jawˇ te. Ngaˬ-ahˇ a kawˬ-aˬ biꞈ laꞈ-awˬ. Ngaˇ le-awˇ aˬ yawꞈ-euˬ uˬ duˬ coeˇ tsehˆ nehˬ leˇ la.”

Jaceuq 84:9

Miˬyehˇ-oˇ, nawˬ neh tseˇ doˆ-euˬ sahˬ paˬ pyeuꞈ-eu nga maꞈ-euˬ sahˬ paˬ-ahˇ guiˬ lahˬ biꞈ-awˬ.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

1 Saˬmeuˬlaˆ 24:6

Daˬbiˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-euˬ, “Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu ngaˬ-euˬ sahˬ paˬ-ahˇ ngaˇ maˬ ya laˆ tahˬ, maˬ ya laˆ naˇ ni, Sahˬpaˬ Miˬyehˇ ngaˬ-ahˇ haw piˇ luꞈ-uˇ. Aˬ yawꞈ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ kʼmˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh aˬ yawꞈ-ahˇ tsiˇ shehˆ daˆ-awˇ tseˇ doˆ taˬ-euˬ meh.”

1 Saˬmeuˬlaˆ 26:9

Ehˇ kʼawꞈ, Daˬbiˇ ehˇ-eu, “Aˬ yawꞈ-ahˇ laˆ tahˬ laˆ naˇ-eu jeˬ maˬ mˇ kʼmˬ-a. Sahˬpaˬ Miˬyehˇ neh tseˇ doˆ-euˬ sahˬ paˬ-ahˇ laˆ tahˬ laˆ naˇ-eu jeˬ mˇ-eu tsawˇ haˬ-ahˇ, Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a.”