2 Saˬmeuˬlaˆ 14:9 - Akha

⁹ Teˬkawˬ meuˬ-ahˇ jawˇ-eu zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, iˬ baˇ heu nawˇ hawˇ-eu nawˬ-euˬ nymˇ jiˇ kʼoeˇ taˆ maˬ bi jaˆ ni, ngaˇ hawˇ-eu ngaˬ da-euˬ nymˇ jiˇ kʼoeˇ taˆ jaˆ luꞈ-uˇ.”

2 Saˬmeuˬlaˆ 14:9 交叉參考

Aˇ dahˬ 27:13

Aˬ yawꞈ-euˬ aˬ ma paˇ ehˇ-eu, “Ngaˬ li-oˇ, nawˬ-ahˇ yaˬ kʼehˇ yaˬ-eu jeˬ keuˆ le naˇ, ngaˬ-euˬ kʼoeˇ taˆ keuˆ le luꞈ-uˇ. Yaw kawˇ-ehˇ iˇ-awˇ, ciꞈ myehꞈ nyehꞈ mi laˬ-iˇ-awˬ.”

Aˇ dahˬ 43:9

Aˬ li-euˬ gʼaˇ duˬ ngaˬ-euˬ saꞈ laˇ nawˬ-ahˇ biꞈ dah ma. Aˬ yawꞈ-ahˇ tiˬ jeˬ paˬ ca laˇ naˇ, ngaˬ-ahˇ kʼaˇ jahˇ mawꞈ-eu jahˇ nya tehꞈ-a. Aˬ yawꞈ-ahˇ tiˬ jeˬ-iˬ maˬ bi ca laˇ ni, nawˇ jawˇ gaˇ ngaˇ maˬ sheuˬ kʼoꞈ keuˆ laꞈ naˇ, iˬ baˇ kʼoeˇ mˬ maˬ maˬ byaˆ zaˇ ziˇ ngaˇ pi ma.

2 Saˬmeuˬlaˆ 14:10

Sahˬ paˬ ehˇ-eu, “Tsawˇ haˬ tiˬ gʼaˬ na nawˬ-ahˇ laˆ bahˬ laˇ naˇ, ngaˇ jawˇ gaˇ sheuˬ laꞈ-awˬ. Aˬ yawꞈ nawˬ-ahˇ tiˬ jawˇ-iˬ maˬ paˇ ya laˆ bahˬ ni ngaˇ jahˇ nehˬ ma.”

2 Saˬmeuˬlaˆ 14:8

Sahˬ paˬ ehˇ-eu, “Iˇ kahˇ-ahˇ gʼoꞈ-iˇ-awˬ. Gaˇ kawˆ heu hmˬ ngaˇ haw nehˬ ma.”

1 Sahˬpaˬ 2:33

Aˬ yawꞈ nyaꞈ-ahˇ sehꞈ-euˬ iˬ baˇ-aˬ, Yoˇbaˬ hawˇ-eu aˬ yawꞈ-euˬ zaˬ deuˬ uˆ deuˬ kʼoeˇ taˆ aˬ myah luꞈ jaˆ tehꞈ-a. Ehˇ kʼawꞈ, Daˬbiˇ-euˬ nuiˇ mahˬ-ahˇ nuiˇ luꞈ-eu Daˬbiˇ-euˬ zaˬ deuˬ uˆ deuˬ-ahˇ, aˬ myah luꞈ Sahˬpaˬ Miˬyehˇ nui saˇ bi oꞈ tehꞈ-a.”

Bawˇtsahˬ 35:33

Kʼoeˇ loꞈ-ehˇ jahˇ naˇ, naw maꞈ jawˇ luꞈ-eu miˇ kʼahˬ-ahˇ naw maꞈ laˆ jawꞈ-eu meh. Tsawˇ haˬ-ahˇ sehꞈ-euˬ jeˬ-aˬ, miˇ kʼahˬ-ahˇ laˆ jawꞈ-eu jeˬ pyeuꞈ-awˇ, aˬ cawˬ-ahˇ sehꞈ-euˬ gʼaˬ maˬ shiˇ kʼoeˇ keuˆ ni, tsawˇ haˬ sehꞈ-euˬ miˇ kʼahˬ kʼoeˇ kʼahˬ-ahˇ tiˬ jeˬ gʼeh-awˇ neh-iˬ maˬ laˆ muiˬ maˬ laˆ shawˇ nya-a.

Maꞈtehˬ 27:25

Kʼoeˇ ngeh, tsawˇ haˬ dawˬ tawˆ luꞈ ehˇ-eu, “Tsawˇ haˬ teu gʼaˬ-ahˇ sehꞈ-eu iˬ baˇ kʼoeˇ, nga maꞈ kʼoeˇ taˆ hawˇ-eu nga maꞈ-euˬ zaˬ deuˬ kʼoeˇ taˆ keuˆ le luꞈ-uˇ.”

1 Saˬmeuˬlaˆ 25:24

Daˬbiˇ-euˬ aˬ kuiˇ dawˬ peh aˬ yawꞈ awˆ byaˆ-awˇ ehˇ-eu, “Huiˬ-eu mahˇ-eu gʼaˬ-oˇ, ngaˇ ehˇ gaˇ naˇ haˬ nehˬ laꞈ-awˬ. Yaw lehˬ yaw ca heu deuˬ dawˬ tawˆ luꞈ, ngaˬ-euˬ kʼoeˇ taˆ bi jaˆ-awˬ.