1 Saˬmeuˬlaˆ 23:28 - Akha

²⁸ Kʼoeˇ naˇ, Daˬbiˇ mehˬ nah Sawˇluˆ maˬ paˇ caw teh ni byehˇ-awˇ, Piˇliˇtiˆ tsawˇ haˬ deuˬ-ahˇ guiˇ deuˆ-iˇ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ ‘Buˬiˇ law-iˇ-eu Lo guˇ’ lehˇ kuˇ-eu meh.

1 Saˬmeuˬlaˆ 23:28 交叉參考

Jaceuq 124:7

Aˇ jiˇ tahˇ-eu sehˬ toˆ-ahˇ dzeuˇ-iˇ-euˬ, aˇ jiˇ tiˬ mawˇ-ahˇ aˬ dui duˇ-eu ma. Sehˬ toˆ kʼehꞈ-iˇ-awˇ aˬ dui dzeuˇ-iˇ-euˬ ma.

1 Saˬmeuˬlaˆ 23:25

Kʼoeˇ ngeh, Sawˇluˆ hawˇ-eu aˬ yawꞈ-euˬ tsawˇ haˬ deuˬ Daˬbiˇ-ahˇ poˆ leˇ-euˬ meh. Ehˇ kʼawꞈ, gaˇ kawˆ kʼoeˇ Daˬbiˇ ya gaˬ-awˇ, Maˬoˬ bawˇ tsahˬ bawˇ dahˇ laꞈ kʼoeˇ jaˆ-eu lo guˇ tehꞈ-ehˇ gʼeh-eu gawˬ jawˬ tiˬ jawˬ kʼoeˇ taˆ le daˆ-euˬ meh. Kʼoeˇ loꞈ-ehˇ le daˆ taˬ-euˬ gaˇ kawˆ Sawˇluˆ paˇ ya gaˬ ngeh, Daˬbiˇ-euˬ mehˬ nah paˇ teh leˇ-euˬ meh.

1 Saˬmeuˬlaˆ 23:27

Kʼoeˇ tiˬ kʼehˇ laˇ kʼehˬ laꞈ kʼoeˇ, tsawˇ haˬ tiˬ gʼaˬ Sawˇluˆ jawˇ gaˇ cehˆ keuˆ laˇ-awˇ, “Yaw kawˇ ma-ehˇ gʼoꞈ le-awˬ. Piˇliˇtiˆ tsawˇ haˬ deuˬ aˬ dui-euˬ miˇ kʼahˬ-ahˇ guiˇ deuˆ-eu lehˇ laˇ luꞈ meh” lehˇ ehˇ gaˬ laˇ-euˬ meh.

1 Saˬmeuˬlaˆ 23:29

Jawˇ duˬ kʼoeˇ tsahˇ-ahˇ neh Daˬbiˇ iˇ doˆ gʼeh-awˇ, Eˬgeˬdiˇ gahˬ kaˬ paw iˇ-awˇ jawˇ zaꞈ-euˬ meh.

1 Saˬmeuˬlaˆ 24:1

Sawˇluˆ Piˇliˇtiˆ tsawˇ haˬ deuˬ-ahˇ guiˇ deuˆ-iˇ-euˬ gʼoꞈ laˇ ngeh, Eˬgeˬdiˇ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ Daˬbiˇ jawˇ luꞈ-eu gaˇ kawˆ, aˬ cawˬ aˬ yawꞈ-ahˇ ehˇ nehˬ-euˬ meh.

1 Saˬmeuˬlaˆ 24:2

Iˇsaˬleˬlaˆ miˇ kʼahˬ laꞈ kʼoeˇ aˬ cawˬ naˆ maˬ tseˇ guiˇ deuˆ nya-eu yehˇ smˬ heˇ gʼaˬ Sawˇluˆ tseˇ doˆ-awˇ, Yaˬ lo guˇ-euˬ nahˇ ma doˆ kʼehˬ paw, Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ poˆ-iˇ-euˬ meh.