1 Saˬmeuˬlaˆ 2:26 - Akha

²⁶ Aˬ li Saˬmeuˬlaˆ-aˬ, tiˬ nah saˇ-iˬ tiˬ nah huiˬ laˇ luꞈ-awˇ, Sahˬpaˬ Miˬyehˇ maˬ ehˇ, tsawˇ haˬ zaˬ maˬ ehˇ, aˬ yawꞈ-ahˇ nui kʼahˇ shiˇ-eu meh.

1 Saˬmeuˬlaˆ 2:26 交叉參考

Aˇ dahˬ 39:4

Yoˇsehˆ-ahˇ Pawˇtiˇpaˬ nui kʼahˇ shiˇ-eu miˇ neh, aˬ yawꞈ-euˬ nymˇ hawˇ-eu aˬ yawꞈ kʼaˇ jaˆ-eu jeˬ dawˬ tawˆ luꞈ-ahˇ haw-eu pyaˆ-eu gʼaˬ bi geuꞈ-euˬ meh.

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Dawqdaq 3:4

Nawˇ kʼoeˇ loꞈ-ehˇ jahˇ naˇ, Miˬyehˇ nawˬ-ahˇ nui kʼahˇ shiˇ-awˇ, tsawˇ haˬ zaˬ nawˬ-ahˇ nui ma tsaˬ tehꞈ-a.

Luˇkaꞈ 1:80

Aˬ li kʼoeˇ li huiˬ laˇ-awˇ, nui ma gʼawˇ mawˇ nyiˬ jeˬ luꞈ huiˬ laˇ mahˇ laˇ luꞈ-eu meh. Iˇsaˬleˬlaˆ tsawˇ haˬ deuˬ mehˬ shi aˬ yawꞈ maˬ doˆ laˇ kʼoeˇ keuˆ ni, bawˇ tsahˬ bawˇ dahˇ-ahˇ jawˇ-euˬ meh.

Luˇkaꞈ 2:40

Aˬ li kʼoeˇ gʼaˬ huiˬ laˇ-awˇ, nui ma saꞈ laˇ gʼaˬ ahˇ laˇ luꞈ-eu uˬ taꞈ, zaˬ siˬ tsawˇ gahˇ byah-awˇ, Miˬyehˇ-euˬ guiˬ lahˬ aˬ yawꞈ kʼoeˇ taˆ jaˆ-eu meh.

Luˇkaꞈ 2:52

Yeˬsuˇ-aˬ, zaˬ siˬ tsawˇ gahˇ hawˇ-eu gʼawˇ mawˇ huiˬ laˇ-awˇ, Miˬyehˇ maˬ ehˇ, tsawˇ haˬ maˬ ehˇ, aˬ yawꞈ-ahˇ nui ma tsaˬ-eu meh.

Gʼaˬkʼehˇ 2:47

Kʼoeˇ loꞈ-ehˇ jahˇ luꞈ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, tsawˇ haˬ dawˬ tawˆ luꞈ aˬ yawꞈ maꞈ-ahˇ nui kʼahˇ shiˇ dui dui-euˬ meh. Ka kʼoꞈ-eu jeˬ za-euˬ tsawˇ haˬ deuˬ, tiˬ nah saˇ-iˬ tiˬ nah aˬ yawꞈ maꞈ-euˬ aˇ muˇ laꞈ kʼoeˇ bi lahˬ laˇ ni SahˬpaˬMiˬyehˇ mˇ luꞈ-eu meh.

Lormav 14:18

Ka li gʼaˇ duˬ kʼoeˇ loꞈ-ehˇ mˇ-eu tsawˇ haˬ-ahˇ Miˬyehˇ nui ma tsaˬ-awˇ, tsawˇ haˬ zaˬ kʼawꞈ nui kʼahˇ shiˇ-eu meh.

Yaˇ kʼaˬ daˇ 13:24

Zaˬ miˬ zaˬ kʼoeˇ gʼaˬ aˬ li tiˬ gʼaˬ ciˬ-awˇ, Saˬsoˬ lehˇ myahˇ nehˬ-euˬ meh. Aˬ li kʼoeˇ li huiˬ laˇ-awˇ aˬ yawꞈ-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ meh.

1 Saˬmeuˬlaˆ 2:21

Haˬnahˬ-ahˇ Sahˬpaˬ Miˬyehˇ aˬ diˇ aˬ maˇ guiˬ lahˬ biꞈ nehˬ-awˇ, aˬ li smˬ li hawˇ-eu aˬ buˇ nyiˬ buˇ paˇ bi jawˇ le-euˬ meh. Aˬ li Saˬmeuˬlaˆ gʼaˬ-aˬ, Sahˬpaˬ Miˬyehˇ-euˬ gaˇ mˇ mˇ-ehˇ huiˬ laˇ luꞈ-eu meh.

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.