1 Saˬmeuˬlaˆ 17:40 - Akha

⁴⁰ Kʼoeˇ naˇ, aˬ yawꞈ-euˬ yawˇ bo-eu gawˬ yoeˬ yuˇ-awˇ, lawˇ gawˆ-ahˇ ga-eu kʼaˬ lo lo juˇ ngaˬ siˬ gʼoˆ-awˇ, pehˇ tahˇ-ahˇ dawˆ ahˇ-euˬ meh. Aˬ yawꞈ-euˬ caˬ oeˬ lehˬ hmˬ-awˇ, Gawˇliˇyaˆ jawˇ gaˇ le-euˬ meh.

1 Saˬmeuˬlaˆ 17:40 交叉參考

Maꞈtehˬ 10:10

Pehˇ tahˬ maˬ ehˇ, pehˇ kʼahˬ hawˇ-eu sehˬ nawˆ aˇ dzehˬ maˬ ehˇ, gawˬ yoeˬ maˬ ehˇ, yuˇ gʼeh-eu maˬ loˬ-a. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, yawˬ ha kʼaˇ loˬ-eu jeˬ za geuˇ-eu meh.

Yaˇ kʼaˬ daˇ 3:31

Aˬ yuiꞈ aˬ tsu yawˬ gʼaˬ yawˬ-aˬ, Aˬnaˬdaˆ-euˬ aˬ li Shaˬgaˬ pyeuꞈ-eu meh. Aˬ yawꞈ kʼawꞈ, mawˇ neˇ-ahˇ tsawˆ-eu daˇ ceh neh, Piˇliˇtiˆ tsawˇ haˬ koꞈ yaˇ gʼa-ahˇ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ-ahˇ ka kʼoꞈ-euˬ meh.

1 Saˬmeuˬlaˆ 17:39

Shmˇ pehˇ kʼahˬ kʼoeˇ taˆ Sawˇluˆ-euˬ mi cehˇ dawꞈ-awˇ, Daˬbiˇ gaˇ ma cah haw-euˬ meh. Ehˇ kʼawˬ, keu ka kʼoeˇ deuˬ-ahˇ aˬ yawꞈ tiˬ jawˇ-iˬ maˬ zmˬ haw-euˬ miˇ neh, gaˇ ma maˬ cah gahˇ nya-a. “Keu ka heu deuˬ-ahˇ ngaˇ tiˬ jawˇ-iˬ maˬ zmˬ haw-euˬ miˇ neh, keu ka heu deuˬ neh guiˇ maˬ deuˆ nya luꞈ nya” lehˇ, Sawˇluˆ-ahˇ aˬ yawꞈ ehˇ nehˬ-euˬ meh. Kʼoeˇ miˇ neh, keu ka kʼoeˇ deuˬ aˬ yawꞈ lehˆ dzeh jiˇ-euˬ meh.

1 Saˬmeuˬlaˆ 17:41

Piˇliˇtiˆ tsawˇ haˬ kʼoeˇ gʼaˬ-aˬ, aˬ yawꞈ-euˬ dehˬ daˬ duˬ baꞈ luꞈ-eu gʼaˬ-ahˇ mehˬ hu paw bi cah-awˇ, Daˬbiˇ-euˬ dawˬ peh oe peh luꞈ-eu meh.