1 Saˬmeuˬlaˆ 12:2 - Akha

² Aˬ kaˇ naˇ, naw maꞈ-ahˇ aˬ yawꞈ uˆ lahˇ tehꞈ-a. Ngaˇ tsawˇ mawˬ mawˬ le-awˇ, uˬ duˬ pyuˇ laˇ-euˬ miˇ-a. Ngaˬ li deuˬ kʼawꞈ naw maꞈ nehˬ-ehˇ jawˇ luꞈ meh. Zaˬ guˬ pyeuꞈ ngeh neh nymˬ-mˇ keuˆ ni naw maꞈ-ahˇ ngaˇ sheuˬ gʼeh-euˬ ma.

1 Saˬmeuˬlaˆ 12:2 交叉參考

Jaceuq 71:18

Nymˬ-mˇ ngaˇ mawˬ le-awˇ uˬ duˬ pyuˇ le-euˬ ma. Miˬyehˇ-oˇ, ngaˬ-ahˇ taˬ byehˇ dzeh nehˬ laꞈ. Nawˬ-euˬ baoˬ hawˇ-eu nawˬ-euˬ gʼaˬ gaˇ kawˆ, nahˬ ziˇ dawˬ tawˆ luꞈ-ahˇ ngaˇ dzawˇ nehˬ ngeh, ngaˬ nehˬ-ehˇ nawˇ jawˇ nehˬ laꞈ.

Bawˇtsahˬ 27:17

Nawˬ-euˬ tsawˇ haˬ aˇ maꞈ aˇ muˇ deuˬ, yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ maˬ ya pyeuꞈ-iˇ-eu gʼaˇ duˬ, guiˇ deuˆ ngeh aˬ yawꞈ maꞈ-ahˇ dawˬ biꞈ nya-eu tsawˇ haˬ-ahˇ tseˇ-awˬ.”

2 Tiˆmoˇseˬ 4:6

Ngaˇ-aˬ, ngaˬ-euˬ gʼawˇ mawˇ ya lawˇ nehˬ-eu aˇ yamˬ keuˆ le-euˬ meh. Miˇ tsaˬ kʼoeˇ taˆ yaw dehꞈ dehꞈ-eu jeˬ-ahˇ byehˇ yaꞈ-awˇ ya gʼoꞈ leˇ-eu aˇ yamˬ nymˬ-mˇ keuˆ le taˬ-euˬ meh.

Yawˇshuˆ 23:1

Aˬ yawꞈ maꞈ-euˬ jawˬ jawˬ-ehˇ jawˇ-eu muiˇ-eu deuˬ-ahˇ maˬ ya guˆ ni, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ myahˇ ni bi dehꞈ bi jawˇ-euˬ meh. Kʼoeˇ ngeh, Yawˇshuˆ tsawˇ mawˬ mawˬ dui dui le-euˬ meh.

Yawˇshuˆ 23:2

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, yaˇ kʼaˬ daˇ-eu deuˬ hawˇ-eu, yaw huiˬ yaw mahˇ deuˬ nehˬ-ehˇ tiˬ kawˆ loꞈ-ehˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Nymˬ-mˇ ngaˇ tsawˇ mawˬ mawˬ dui dui le-euˬ ma.

2 Beˬtuˆluˆ 1:14

Aˬ dui-euˬ Sahˬpaˬ Yeˬsuˇ Ka li neh ngaˬ-ahˇ bya cehˆ ni ehˇ nehˬ laꞈ-euˬ loꞈ-ehˇ, buꞈ-iˇ cehˇ-iˇ nya-eu ngaˬ-euˬ shiˬ shaˬ jiˇ gʼawˇ mawˇ heu-ahˇ gʼawˬ myahˇ maˬ gʼeh-ehˇ ya lehˆ dzeh yaꞈ meh lehˇ ngaˇ siˬ nya ma.

1 Saˬmeuˬlaˆ 2:22

Nymˬ-mˇ poˆ jawˇ, Eˇliˆ tsawˇ mawˬ mawˬ dui dui laˇ taˬ-euˬ meh. Aˬ yawꞈ-euˬ aˬ li deuˬ Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ luꞈ-eu gaˇ kawˆ hawˇ-eu, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ gaˇ mˇ luꞈ-eu zaˬ miˬ zaˬ deuˬ nehˬ-ehˇ yuꞈ taꞈ gaˇ keuˆ ni aˬ yawꞈ maꞈ dehꞈ cawˆ taˬ-euˬ gaˇ kawˆ-ahˇ, Eˇliˆ maˬ tsehˆ leˇ ni ya gaˬ luꞈ-eu meh.

1 Saˬmeuˬlaˆ 2:29

Toˆ-ehˇ ngeuˇ naˇ, ngaˬ-euˬ tsawˇ haˬ deuˬ-ahˇ ngaˬ neh bi lawˇ-euˬ loꞈ-ehˇ, aˬ yawꞈ maꞈ ngaˬ-ahˇ lawˇ nehˬ laꞈ-euˬ jeˬ hawˇ-eu damˬ nehˬ laꞈ-euˬ jeˬ-ahˇ, aˬ jeˬ miˇ neh mehˇ juiˇ juiˇ te. Ngaˬ-ahˇ kʼaˇ lawˇ kʼaˇ shehˇ laˇ-euˬ jeˬ laꞈ kʼoeˇ, kʼaˇ muiˬ kʼaˇ kuiˇ-eu jeˬ-ahˇ nawˬ li deuˬ yuˇ doˆ-awˇ dzaˬ luꞈ gaˇ haw sheˇ. Eˇliˆ-oˇ, nawˬ-euˬ aˬ li deuˬ-ahˇ kʼoeˇ loꞈ-ehˇ bi jahˇ-awˇ, ngaˬ-ahˇ naˆ maˬ tseˇ aˬ yawꞈ maꞈ-ahˇ nawˇ aˬ jeˬ miˇ neh taˬ huiˬ te.

1 Saˬmeuˬlaˆ 3:10

Sahˬpaˬ Miˬyehˇ kʼoeˇ gaˇ yawꞈ le-awˇ, yaw beh kuˇ-eu loꞈ-ehˇ “Saˬmeuˬlaˆ-oˇ, Saˬmeuˬlaˆ-oˇ” lehˇ kuˇ le-euˬ meh. Saˬmeuˬlaˆ gʼeh, “Nawˬ-euˬ dawˬ-ahˇ nawˬ-euˬ zaˬ kʼaˆ naˇ haˬ luꞈ ma” lehˇ ehˇ kʼoꞈ nehˬ-euˬ meh.

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.

1 Saˬmeuˬlaˆ 3:16

“Aˬ li Saˬmeuˬlaˆ-oˇ” lehˇ Eˇliˆ aˬ yawꞈ-ahˇ kuˇ laˇ ngeh, aˬ yawꞈ oˬ toˬ kʼoꞈ nehˬ-euˬ meh.

1 Saˬmeuˬlaˆ 8:1

Saˬmeuˬlaˆ tsawˇ mawˬ mawˬ laˇ ngeh, aˬ yawꞈ-euˬ a li deuˬ-ahˇ Iˇsaˬleˬlaˆ miˇ kʼahˬ laꞈ kʼoeˇ yaˇ kʼaˬ daˇ-eu tsawˇ haˬ deuˬ bi geuꞈ-euˬ meh.

1 Saˬmeuˬlaˆ 8:20

Kʼoeˇ sawˇ miˇ tsa nga maꞈ kʼawꞈ aˬ cawˬ tsawˇ jeuˬ-ahˇ duˇ laˇ-awˇ, nga maꞈ kʼoeˇ taˆ uˆ lahˇ-eu sahˬ paˬ tiˬ gʼaˬ jawˇ laˇ ngeh jawˇ, nga maꞈ-ahˇ guiˇ deuˆ gaˇ aˬ yawꞈ sheuˬ gʼeh nehˬ laꞈ tehꞈ-a.”

1 Saˬmeuˬlaˆ 8:3

Aˬ nyaꞈ nmˇ-aˬ, aˬ da-ahˇ maˬ dzaw geuꞈ-ehˇ, pyuˇ za laˇ ni tehꞈ-ehˇ gaˇ mˇ-awˇ, aˬ cawˬ neh laꞈ nmꞈ nmꞈ nehˬ-euˬ pyuˇ yuˇ dzaˬ-eu laꞈ kʼoeˇ, dawˇ coe ni yaˇ kʼaˬ maˬ daˇ-a.

1 Saˬmeuˬlaˆ 8:5

Aˬ yawꞈ maꞈ Saˬmeuˬlaˆ-ahˇ ehˇ nehˬ-eu, “Nawˇ tsawˇ mawˬ mawˬ laˇ gʼaˬ-euˬ kʼawꞈ, nawˬ li deuˬ nawˬ-ahˇ dzaw geuꞈ-awˇ yaw dehꞈ maˬ dehꞈ-a. Kʼoeˇ miˇ neh, aˬ cawˬ tsawˇ jeuˬ sahˬ paˬ baw-eu loꞈ-ehˇ, nga maꞈ kʼawꞈ sahˬ paˬ baw laˇ ni, nga maꞈ-ahˇ bi uˆ lahˇ-eu sahˬ paˬ tiˬ gʼaˬ tseˇ doˆ nehˬ laꞈ-awˬ.”