1 Gawˇliˬtu 16:11 - Akha

¹¹ Tsawˇ haˬ tiˬ gʼaˬ-iˬ aˬ yawꞈ-ahˇ yaw zeu maˬ baw ni taˬ gʼeh. Ehˇ kʼawꞈ, aˬ yawꞈ ngaˇ jawˇ gaˇ gʼoꞈ keuˆ laˇ nya ni, nui ma saˇ lehˆ ni gaˇ ma doˆ-iˇ nya ni caw ba nehˬ-awˬ. Aˬ yuiꞈ aˬ nyiˇ gaˇ mˇ cawˬ deuˬ nehˬ-ehˇ tiˬ kawˆ loꞈ-ehˇ aˬ yawꞈ gʼoꞈ keuˆ laˇ gaˇ ngaˇ noeˬ tmˬ luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoermirnae, aqyawf-anr tiqghaq-iq maq hawdoer-aer, aqyawf, ngar jawr-eu gar ghofle-eu gharduq, aqyawf nuisar of-eu lafkhoer maeqhu paw sheuqha dovle naeq-awq. Aqjeq mirnae aernar-aq, aqyawf, aqyuif aqnyir deuq naeq-aer ghofle-eu gar ngar dawqluf-eu ma.

1 Gawˇliˬtu 16:11 交叉參考

1 Tiˆmoˇseˬ 4:12

Nawˇ zaˬ guˬ pyeuꞈ-eu miˇ neh, aˬ cawˬ neh yehˬ bawˬ sehˇ lu-ehˇ maˬ ya bi ehˇ ni yahˇ-awˬ. Kʼoeˇ uˬ taꞈ, ngehˬ-eu tmˇ-eu, dehꞈ-eu jawˇ-eu, gʼoeˇ-eu gaˬ-eu, jah-eu, muiˬ-eu shawˇ-eu, heu deuˬ laꞈ kʼoeˇ, jah-eu tsawˇ haˬ deuˬ nawˬ-ahˇ bi dzaw geuꞈ paˬ-ehˇ dehꞈ-awˬ.

Gʼaˬkʼehˇ 15:33

Aˬ yawꞈ nyaꞈ kʼoeˇ gaˇ tiˬ kʼehˬ jawˇ gʼaˬ ngeh, aˬ yawꞈ nyaꞈ-ahˇ kʼehˇ gʼeh laꞈ-euˬ deuˬ jawˇ gaˇ bi gʼoꞈ-iˇ-eu gʼaˇ duˬ, jah-eu tsawˇ haˬ kʼoeˇ deuˬ aˬ yawꞈ nyaꞈ-ahˇ laˬ kʼaˬ cehˇ taˆ ni pyehˬ nehˬ-euˬ meh.

Tiˇtuˆ 2:15

Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.

1 Gawˇliˬtu 16:10

Tiˆmoˇseˬ naw maꞈ jawˇ gaˇ oe doˆ lawˬ naˇ, yaw muiˬ paˬ-ehˇ ha nehˬ-awˬ. Aˬ jeˬ miˇ neh ehˇ naˇ, aˬ yawꞈ kʼawꞈ ngaˬ loꞈ-ehˇ Sahˬpaˬ Yeˬsuˇ-euˬ gaˇ mˇ luꞈ-eu tsawˇ haˬ meh.

1 Gawˇliˬtu 16:6

Naw maꞈ nehˬ-ehˇ ngaˇ tiˬ kʼehˬ ya jawˇ-eu duˇ lehˇ noeˬ-euˬ ma. Tsahˬ gaˆ yamˬ tiˬ yamˬ yamˬ lah ni ya jawˇ-eu maˬ siˬ. Kʼoeˇ dzeuˇ naˇ, ngaˇ aˬ geuˬ paw paˇ iˇ-eu maˬ kaˬ, naw maꞈ caw ba nehˬ laꞈ gaˇ noeˬ tmˬ-eu ma.

3 Yoˇhaˬ 1:6

Nawˬ-euˬ gʼoeˇ-eu gaˬ-eu jeˬ gaˇ kawˆ, heu gaˇ jawˇ-eu Ka li zaˬ aˇ muˇ-ahˇ aˬ yawꞈ maꞈ ja mehˬ nehˬ-euˬ meh. Miˬyehˇ nui ma tsaˬ-eu loꞈ-ehˇ aˬ yawꞈ maꞈ mehˬ hu paw gaˇ ma doˆ-iˇ nya ni tiˬ poˆ caw ba nehˬ-awˬ lehˇ shaˇ-eu ma.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Gʼaˬkʼehˇ 15:3

Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

2 Gawˇliˬtu 1:16

Ngaˇ Yuˇdaˆ miˇ kʼahˬ-ahˇ iˇ ngeh naw maꞈ neh bi caw ba-eu gʼaˇ duˬ, Maˬgeˬdawˇniˆ miˇ kʼahˬ-ahˇ le paw jaw naw maꞈ jawˇ gaˇ uˇ le-awˇ, gʼoꞈ le paw jaw kʼawꞈ naw maꞈ jawˇ gaˇ paˇ uˇ le-eu lehˇ lehˬ hmˬ taˬ-euˬ ma.