Mateo 27:22 - Hiyay Habi nin Dioh boy Genesis boy Ruth

²² Tinepet na hilayna man, “Hinya awod ye diyagen ko kanan Jesus a anhabtan Cristo?” Nakibat hilan kaganaan, “Ipako ya ha kodoh!”

Mateo 27:22 交叉參考

Mateo 1:16

Hiyay Jacob ye bapa nan Jose a ahawa nan Maria. Hiyay Maria ye indo nan Jesus a anhabtan Cristo.

Mateo 27:17

Ha naytitipon hilayna ye tatao, nanepet yay Gobilnadol Pilato kanla, “Ayay labay yon palihwayen ko? Hiyay Barabbas o hiyay Jesus a anhabtan Cristo?”

Mateo 27:21

Haanin, hiyay Gobilnadol Pilato, tinepet na hilayna man, “Aya kanlan luwa ye labay yon palihwayen ko?” “Hiyay Barabbas,” wanla.

Mateo 27:23

“Taket? Hinyay kalok-an a dinyag na?” wanan Gobilnadol Pilato. Noba lalo layna ingat impakakhaw ye nangha, a wanla, “Ipako ya ha kodoh!”

Marcos 14:55

Haanin, hilay mānguna a papadi boy hilay kaganaan a mānungkolan ha Panuhgaan lan Jujudio, nanapul hilan tihtigo a maghabin laban kanan Apo Jesus ta-omen laya maipapatey. Noba homain hilan nakit a hangkan nin pamateyan la kana.

Juan 4:25

Hinabi nan babayi kanan Apo Jesus, “Tanda ko a lumateng lanoy Mesias a anhabtan Cristo. Ha panlumateng na, ipalinaw na kammi ye kaganaan a babagay.”

Didiyag 13:28

Ket hilay Jujudio, agya homain hilan nakit a hangkan nin pamateyan la kana, inawok la po ateed kanan Gobilnadol Pilato a ipapatey na yay Apo Jesus.

Didiyag 13:38

Kaya-bay kakatongno ko, katapulan a matandaan yo a makauli ha dinyag nan Apo Jesus, an-ipatanda mi kanyo a patawaden nan Apo Dioh ye kakahalanan tawo. Ta ayaman a mamteg kanan Apo Jesus, ket an-ibilang na yan matoynong Apo Dioh. Noba homain taon ibilang nan Apo Dioh a matoynong makauli ha panumbong ha Bibilin a impahulat nan Apo Dioh kanan Moises.