Impakit 12:12 - Hiyay Habi nin Dioh boy Genesis boy Ruth

¹² Kaya-bay mag-aliket kawon angkumonin ha langit. Noba kakaingalo kawon angkumonin ha babe-luta boy ha dagat, ta inumaypa yayna kanyo ye Satanas. Ket tubat ye poot na, ta tanda na a matekbe anay panaon na a manyag nin abala na.”

Impakit 12:12 交叉參考

Lucas 15:10

Hinabi nan Apo Jesus, “Wanabay met ateed ha langit. Ampaghayaghag hilay aanghil nin Dioh uli ha maghay taon māgkahalanan a naghehe ha kakahalanan na.”

Lucas 2:14

“Galangen yay Apo Dioh a anti ha langit! Ket ihti ha babe-luta, main anan katanaan kanlan tataon angkaaliketan nan Apo Dioh,” wanlan aanghil.

Hebreo 10:37

Ta wanae ye nakahulat a hinabi nin Dioh, “Hiyay an-agaden yo, ket madanon yaynan lumateng. Ahe yaynan mabuyot.”

2 Pedro 3:8

Noba an-adoen kon kakatongno, ahe yo dayi anliwaan a padihon bengat kanan Apo ye maghay mangaamot ha malibon taon boy hiyay malibon taon ha maghay mangaamot.

Impakit 10:6

Hiyay pinaghumpaan na, hiyay Apo Dioh a angkabi-ay makanoman a namalhowa nin langit, luta, boy dagat boy kaganaan a anti kanla. Hinabi nan anghil, “Homain anan makaaba.

Impakit 11:10

Maaliket hila lanoy tatao ihti ha babe-luta uli ha pagkamatey lan luwan māmapteg. Mayhahayaghag boy maydidigalo hila ha balang magha, ta natey hilaynay luwan popodopita a namatiyatiya kanlan tatao ihti ha babe-luta.

Impakit 11:14

Ket nayadi ana ye ikalwan ampakadodowag a nalyadi. Noba madanon yayna man ye ikatlo.

Impakit 12:9

Hiyay Miguel boy aanghil na, intapon la yay mayadet a dragon boy aanghil na ha babe-luta. Yatin mayadet a dragon ye bikat hatew boy anhabtan Diyablo o Satanas a ampanalingo kanlan tatao ha babe-luta.

Impakit 13:6

Naghabi yan mangaloloke a tubat laban kanan Apo Dioh, ha ngalan nin Dioh boy angkunaan na boy ha kaganaan a angkumonin ha langit.

Impakit 18:20

Uli ha nalyadi kananyain a banwa, mag-aliket kawon angkumonin ha langit, hikawon pagtao nin Dioh, aapohtol boy popodopita. Ta uli ha dinyag na kanyo, pinaduhaan naynan Apo Dioh yain a banwa.

Impakit 8:13

Pangayadi, nakit ko ye maghay agila a anlumpad ha lowang. Ket nange ko a an-ipapangha na ye wanae, “Kakaingalo! Kakaingalo! Kakaingalo ye malyadi lano ha kaganaan a angkumonin ha babe-luta no patnoyen laynan tatlon anghil ye tamboyok la!”

Impakit 9:12

Ket haanin, nayadi ana ye nunan ampakadodowag a nalyadi. Noba main po luwa a lumateng.