Hebreo 1:10 - Hiyay Habi nin Dioh boy Genesis boy Ruth

¹⁰ Boy main ya po hinabi kanan Anak na a wanae, “Ha pandugi nin kaganaan, hika Apo ye namalhowa nin babe-luta. Ket makauli ha kapalyadiyan mo, pinalhowa mo ye kaganaan a anti ha langit.

Hebreo 1:10 交叉參考

Genesis 1:1

Ha kaunaunaan, pinalhowa nan Apo Namalyadi ye luwang boy babe-luta.

Hebreo 12:27

Hiyay habet a “Minghan ko po,” ket pakatandaan a alihen nan Apo Dioh ye pinalhowa na a mayegyeg ta-omen hilay ahe mayegyeg bengat ye mapatla.

Impakit 3:14

Haanin, imbilin nan Apo Jesus a ihulat koy an-ipahabi na kanan anghil na ha pangkat lan māmteg ha banwan Laodicea. Hinabi nan Apo Jesus, “Yati ye habiyen ko a anhabtan Amin a mapatayaan boy peteg a māmapteg. Hikobay ye nangubayan nin kaganaan a pinalhowa nan Apo Dioh.