17 Hilay aanak nan Asher ket hilan Imna, Ishva, Ishvi, Beria boy hiyay babayin katongno la a hiyay Sera. Hilay aanak nan Beria a hilan Heber boy Malkiel.
Hinabi nan Lea, “Tubat anay kaaliketan ko! Ket haanin habtan la kon kanayon a babayi nin angkaaliket.” Kaya-bay pinangalanan na yan Asher ye ongi.
Hilay aanak na kanan Zilpa a ipoh nan Lea ket hiyay Gad boy Asher. Hilan kaganaan ket naianak hila ha Padan Aram.
Hilayain ye aanak boy aapo nan Jacob kanan Zilpa a ipoh nan Lea a in-ibyay nan Laban. 16 hilan kaganaan.
Hika Asher, luhbo ya lanoy pamangan mo. Hiyay pupol mo ket katanggap-tanggap a kanen nin poon.
