Genesis 30:20 - Hiyay Habi nin Dioh boy Genesis boy Ruth

²⁰ Hinabi nan Lea, “Binyanan na kon Apo Namalyadi nin plimyo! Haanin, padangalan na koynan ahawa ko, ulita anem anay lalakin aanak ko kana.” Kaya-bay pinangalanan na yan Zebulun ye ongi.

Genesis 30:20 交叉參考

Genesis 29:34

Binumuktot yan uman ye Lea, ket laki yayna man ye in-anak na. Hinabi na, “Homain hapo a adoen na koynan ahawa ko haanin, ta tatloy nan lalaki ye anak mi.” Kaya-bay pinangalanan na yan Levi ye ongi.

Genesis 30:15

Hinabi nan Lea, “Ahe ka po nayi napda a nakwa mo yaynay ahawa ko, ket haanin, labay mo po kowen ye hihidet nan anak ko?” Hinabi nan Raquel, “Biyan moko nin hihidet ket makalamo mo yay Jacob haanin a madeglem.”

Genesis 30:19

Binumuktot yayna man ye Lea, ket nanganak yan ikaanem a anak na kanan Jacob.

Genesis 30:21

Pangayadi, nanganak yan babayi ye Lea, ket pinangalanan na yan Dina.

Genesis 34:12

Habiyen yo agya hinyaman a ihambong boy idigalo ko kanyo, ket ibyay ko, dapot tana mapag-ahawa ko yay Dina.”

Genesis 35:23

Hilay aanak na kanan Lea ket hiyay Reuben a punganay, Simeon, Levi, Juda, Isacar, boy Zebulun.

Genesis 46:14

Hilay aanak nan Zebulun ket hilan Sered, Elon boy Jaleel.

Genesis 49:13

Ket hika Zebulun, ihtew ka kumonin ha gilid dagat. Hiyay lugal mo ket mag-ilyadin tanghadan nin daong. Hiyay lugal mo, miabot ya anggan ha Sidon.

Mateo 4:13

Noba ahe ya kinumonin ha Nazaret, no aliwan ha Capernaum, ha ambay dagatdagatan nin Galilea ha dōn nin Zabulun boy Naftali.