Hinabi na met Apo Dioh a Namalyadi kanan Adan, “Ulita lingnge mo yay ahawa mo, boy kinan mo ye dawan kayon imbawal kon kanen mo, ihumpa ko ye luta. Ket legan angkabi-ay ka, magteeh kan mag-obda ha luta ta-omen ka main mapupol a kanen.
Panayngetan moy mag-obda ha luta ta-omen main kan pamamangan angga lano miudong ka met ateed ha luta a ibatan mo. Ket ulita ha luta ye ibatan mo, miudong ka met ateed ha luta.”
Main met nangaampag ha antuboan nin madiwin iilamon. Ket ha tinumubo hilatew a bini, tinumubo hilayna met ye madiwin iilamon. Ket tinugpawan lay tinumubo a bibini.
Alimbawa, main maghay katongnon ampamteg a malyadi nan kanen ye agya hinyaman a pamangan. Noba hiyay katongnon makapey ye pamteg, ket agayep bengat ye angkena na, ta ampamtegan na a bawal ye mangna nin kena.
