Efeso 3:21 - Hiyay Habi nin Dioh boy Genesis boy Ruth

²¹ Galangen tawo yay Apo Dioh makanoman uli ha kangedan na a makit ha pangkat lan māmteg na boy kanan Cristo Jesus. Amin.

Efeso 3:21 交叉參考

Mateo 6:13

Adi mo kayi ampaolayan a matukho, no aliwan iligtah mo kayi kanan Satanas.’

Lucas 2:14

“Galangen yay Apo Dioh a anti ha langit! Ket ihti ha babe-luta, main anan katanaan kanlan tataon angkaaliketan nan Apo Dioh,” wanlan aanghil.

Roma 11:36

Ta kaganaan ket ibat kana, makauli kana, boy ha ikadangal na. Kaya-bay galangen yay Apo Dioh makanoman! Amin.

Roma 16:27

Galangen tawo yay mamaghan Dioh a nagtanda nin kaganaan. Galangen tawo yan makanoman makauli kanan Apo Jesu Cristo! Amin.

Galacia 1:5

Galangen tawo yay Apo Dioh makanoman! Amin.

Efeso 1:6

ta-omen tawo yan galangen uli ha tubat a kangedan a in-ibyay na kantawo makauli kanan Anak na a ampakaadoen na.

Efeso 2:7

ta-omen lano ha maabot ye panaon, maipakit nay homain kapadihon kahbolan nin kangedan na uli ha pangingalo na kantawo makauli kanan Apo Cristo Jesus.

Efeso 4:1

Bilang maghan pidiho uli ha paghilbi ko kanan Apo Jesus, an-ipahehpet ko kanyo a magbi-ay kawon katanggap-tanggap kanan Apo Dioh bilang tataon hinagyat na a pagtao na.

Filipos 1:11

Boy an-ipakigwang ko met kanan Apo Dioh a haglapan na kawon Apo Jesu Cristo a magbi-ay a matoynong ta-omen ya midangal boy migalang ye Apo Dioh.

Filipos 2:11

Ket habiyen lan kaganaan a tatao, “Hiyay Apo Jesu Cristo ye Apo nin kaganaan!” Ket ha wanabay, migalang yay Bapa tawon Dioh.

Filipos 4:20

Galangen tawo yay Bapa boy Dioh tawo makanoman! Amin.

2 Timoteo 4:18

Ket angkahigudo kon iligtah nako po ha kaganaan a pakalokean angga lano ha ilakew nako ha panakopan na ha langit. Galangen yay Apo Dioh makanoman. Amin.

Hebreo 13:21

Yati ye pakigwang ko kanan Apo Dioh, “Apo kon Dioh, labay ko dayi a ibyay mo ye kaganaan a matapul lan kakatongno ko ta-omen la madyag ye kalabayan mo. Boy makauli kanan Apo Jesu Cristo, diyagen mo dayi kanla ye makapaaliket kammo. Galangen yay Apo Jesu Cristo makanoman. Amin.”

1 Pedro 2:5

ba-mo kawoyna met dadapah a angkabi-ay a mag-ilyadin pahen nin Timplo a naihpiditowan a man-ipaideng nan Apo Dioh. Ket makauli kanan Apo Jesus, maghilbi kawo awod kanan Apo Dioh a omen kanlan papadi na a mangihagpa nin naihpiditowan a hagpa a makapaaliket kana.

1 Pedro 5:11

Anti kana ye kapalyadiyan makanoman! Amin.

2 Pedro 3:18

Magpahulong kawoyna ingat ha panumbong kanan Apo boy Māngiligtah tawon Jesu Cristo ta-omen lalo yoya po madihaan ye kangedan na boy lalo yoya po matandaan. Galangen tawo yay Apo Jesu Cristo haanin boy makanoman! Amin.

Judas 1:25

Hiyan bengat ye Apo Dioh boy Māngiligtah tawo makauli kanan Apo tawon Jesu Cristo. Anti kanay panggalang, kadangalan, kangedan boy kapalyadiyan paibat ha una, haanin boy makanoman! Amin.