Zekâya 9:11 - MUKANDA WA MYIDI MUKULU

¹¹ Maweja-Nangila udi wamba ne: “Bualu bua ndondu undi mutue nenu, udi mashi a nyama ya milambu mashindike, nempikule bana benu badi mu lukanu, badi basomba mu bupika bu mu tshina katshiyi ne mayi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wewe kabidi, Umanye ne, Bualu bua mashi a tshihungidi tshianyi nʼebe, nempatule bantu bebe batshidi mu buhika mu tshina tshidi katshiyi ne mai.

Zekâya 9:11 交叉引用

Yeshaya 51:14

Nkushale amu matuku makese, bena lukanu nebabapatule mu nzubu wa lukanu. Kabakufuila mu nzubu wa lukanu. Kabakupanga kabidi tshiakudia.

Ekesode 24:8

Moshe kuangata kabidi mashi avua mashale mu dilongu, kuamiamina bena Izrayele pambidi, wamba ne: — Mashi aa, adi ajadika ndondu uvua Maweja-Nangila mutue nenu pavuaye nnumanyisha meyi ende.

Yeshaya 42:7

Neutabeje bampofu. Neupatuishe bena lukanu mu nzubu wa lukanu, muaba udibu basomba, bindile mu miidima.”

1 Korente 11:25

Momumue, bobu bamane kudia, kuangataye dikopu, wamba ne: “Dikopu edi didi ndondu mupiamupia wa Mvidi Mukulu, udi mashi anyi ajadika. Misangu yonsu inudi nunuinamu, nuenze nanku bua kumvuluka.”

Matayi 26:28

Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yeshaya 49:9

Ndi ngambila bena lukanu, bantu badi basomba mu miidima ne: ‘Patukayi, numone butoke.’ Nanku nebikale bu mikoku, idi idia bisosa ku muelelu wa njila, idi ipeta tshiakudia tshiayi pa mikuna yonsu.

Misambu 69:33

Bantu bapuekele nebamone bionsu ebi, nebasanke. “Nuenu bonsu badi bakeba Mvidi Mukulu, nulale panu nuboboke.

Misambu 40:2

Mvua mutekemene bikole kudi Maweja-Nangila. Kuinamaye kundi, kumvuaye lubila luanyi.

Marke 14:24

Yezu kubambila ne: — Etshi mmashi anyi, avua mapumuka bua ba bungi, bua kushindika ndondu uvua Mvidi Mukulu mutue ne bantu.

Luke 22:20

Balongi bamane kudia, Yezu kubapesha kabidi dikopu, wamba ne: — Dikopu edi ntshiovu tshipiatshipia tshia Mvidi Mukulu, tshidibu bashindika ne mashi anyi, adibu bapumuna bualu buenu.]

Yeshaya 58:12

Nenku nenuasulule miaba ivua mishale makolu. Nenuibakulule nzubu mipiamipia, pa bitaku bia nzubu binukavua bamane kulekela kale. Bantu nebanumanye bu bantu badi balongolola miaba ya mu bimana bia tshimenga idi minyanguke, bu bantu badi balandakaja misesu idi mu tshimenga.

Misambu 30:3

Maweja-Nangila, Mvidi Mukulu wanyi, mvua munsengelele, wewe kumpandisha.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Luke 4:18

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Yeshaya 42:22

Kadi mona bantu bende, bavua babanyenge bintu, babapawule bikuabu. Bena diende bonsu bakadi bena lukanu. Bavua bahele mu nzubu wa lukanu, babatangile bu bintu binyenga mu mvita. Bavua baye nabu ku bukole, kakuyi wa kutua nkanana, kakuyi uvua mua kubulula mukana ne: “Nubapingaje kutudi.”

Yirmeya 38:6

Balombodi banayi ba bena mvita aba kukuatshisha Yirmeya, kumuela mu tshiina tshia mayi tshia Malkiya, mulombodi wa bena mvita. Tshiina atshi tshivua tshiumbula mu lupangu lua bena mvita balami bamukalenga. Kupuekeshabu Yirmeya ku muonji mu tshiina atshi. Mu tshiina amu kamuvua mayi nansha. Kadi muvua amu bitotshi. Yirmeya kubuelamu.

Didimanyisha 20:3

Mutumibue kumuela mu kandondu, kukanga ne nsapi, kutua tshitampi, bua nyoka wa tshidika kamonyi mua kupambula kabidi bisamba bia bantu, too ne muakumbana bidimu tshinunu. Pakumbana bidimu ebi, nebanji kumulekela bua katupa kipi.

Danyele 2:29

Mukalenga, pauvua mulale uvua welangana meji bua malu atshidi kumpala. Ke padi Mvidi Mukulu, udi umanyisha bantu malu masokome, mukumanyishe malu adi ne bua kuenzeka matuku adi kumpala.

2 Kulondolola 7:17

Kadi, Shelomu, wewe mungitabe, bu muvua tatuebe Davide mungitabe, wewe mukumbaje bionsu bindi nkuambila, mutumikile meyi ne mikenji bianyi bimvua mukupeshe,

2 Samuele 13:13

Wewe muenze nanku, meme nengendela njila kaayi? Wewe kabidi kuakuikala ne mushinga munkatshi mua bena Izrayele to. Nanku, anji kuambila mukalenga Davide bualu ebu. Kena mua kubenga bua wewe kunsela to.

Luke 16:24

Nanku kuelaye diyi ne: “Tatu Abrahame, ungumvuileku luse. Tuma Lazare, atue lusongu lua munu wende mu mayi, bua kuntalaja pa ludimi. Bualu ndi nkengakana bikole mu kadilu aka.”

Ebrewu 10:2

Bu bantu badi batendelela Mvidi Mukulu mushindu ewu bapeta dijimija dia mibi yabu musangu umue bua kashidi, kabavua mua kudiumvua kabidi ne: tudi bena tshibawu. Nenku kabavua mua kulambula kabidi mulambu to.

Yobe 33:30

Ke mudiye ubumusha ku lufu, ubapingajila disanka, didi bantu badi benda ne muoyi nadi.

Yeshaya 24:22

Nebabasangishe bonsu pamue bu bena lukanu, babela mu dijimba. Nebabakangile mu nzubu wa lukanu. Papita matuku mavule, bonsu aba nebapitshile ku tshilumbu.