Zekâya 8:23 - MUKANDA WA MYIDI MUKULU

²³ Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Mukanda wa Nzambi Dihungila Dikulukulu ne Dihungila Dihia-dihia 2003

²³ Yehowa wa misumba udi wamba dî edi ne, Mu matuku au bantu dikumi ba mu muaku ne mu muaku nebakuate ku luzemba lua tshivuali tshia Muena Yuda, bamuambila ne, Tudi basue kuya nʼebe, bualu bua tuakunvua ne Nzambi udi nʼebe.

Zekâya 8:23 交叉引用

Yeshaya 60:3

Nenku bukua matunga nebuende butangila ku butoke buwakenkesha. Dinkenke dia butoke buebe nedikoke bakalenga kuudi.

Yeshaya 55:5

Ne wewe kabidi Izrayele, neubikile bantu benyi, baudi kuyi muanji kumanya. Bantu aba, badi kabayi banji kukumanya, nebafike kuudi. Nebafike kuudi amu bualu buanyi meme, Maweja-Nangila Mvidi Mukulu webe, wa tshijila wa Izrayele. Bualu meme ndi nkupesha lumu elu.”

1 Korente 14:25

Meji ende masokome neamueneke patoke. Nenku neadiele panshi bua kukukuila Mvidi Mukulu, neambe ne: “Mvidi Mukulu bushuwa udi munkatshi muetu!”

Yeshaya 45:14

Izrayele, Maweja-Nangila udi ukuambila ne: tshionsu tshidi bena Ejipitu bapeta ku mudimu wabu, makasa adi bena Kushe, nansha bantu bale ba kafiondu ba mu Seba bapeta, bionsu ebi nebipitshile muebe, nebikale bintu biebe. Bantu aba nebakulonde, bamane kubasuika ne nkanu. Nebadiele panshi kumpala kuebe, bakutondela ne: “Mvidi Mukulu udi amu kuebe. Kena munga muaba to.”

Yeshaya 66:18

Udi mumanye malu mabi adibu benza, ne meji adibu bela. Maweja-Nangila udi wamba ne: Ndi makasa mu njila. Nkadi pa kusangisha bantu ba mu bisamba bionsu, ba miakulu yonsu, bua bamone lumu lundi nalu.

Genese 31:7

Tatuenu kunshima, kushintula difutu dianyi misangu dikumi. Kadi Mvidi Mukulu kavua musue bua tatuenu ankengeshe to.

Bienzedi 19:12

Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu.

Yeshaya 4:1

Dituku adi, bakaji muanda mutekete nebafuilakane mulume umue, bamba ne: “Kuditatshishi bua kutudisha, nansha bua kutuvuadika. Tudi tulomba amu, bua tuikale bakaji bebe, katushadi bakaji bakamba katuyi ne bana!”

Yeshaya 3:6

Bantu nebakuate muanabu wa mu tshiota, nebamuambile ne: “Wikale mfumuetu, bualu utshidi ne tshinkutu. Akaja ditunga dietu didi dinyanguke.”

Muambi 11:2

Teka mpetu yebe miaba mishilangane, bualu kuena mumanye diakabi didi mua kukukuata pa buloba.

Yobe 19:3

Nukadi bamane kumpenda misangu nansha dikumi. Kanuena numvua bundu, ke panudi nuntatshisha nanku anyi?

1 Kulondolola 12:18

Davide kuya kubakidila, ubambila ne: — Panuikala bafike kundi ne ditalala bua kungambuluisha, ndi nnuakidila ne muoyi mujima. Kadi panuikala bangelele tshifufu bua kumfila kudi baluishi banyi, nansha tshiyi muenze bualu bubi, Mvidi Mukulu wa bankambua betu amone bualu abu, anunyoke.

2 Bakalenga 2:6

Eliya kuambila kabidi Elisha ne: — Ushale muaba ewu. Maweja-Nangila mmuntume ku muelelu wa Yardene. Kadi Elisha kumuandamuna ne: — Bu mudi Maweja-Nangila ne muoyi, ne bu muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi!

Mika 5:5

Nebadie bumfumu mu buloba bua bena Ashure. Nebakuate ditunga dia Nemrode, ne bia mvita ku bianza. Mukalenga wetu neatusungidile kudi bena Ashure, padibu basambuka mikalu, babuela mu ditunga dietu.

Genese 31:41

Tudi nebe kukadi bidimu makumi abidi. Ndi mukuenzele mudimu bidimu dikumi ne binayi, bua kusela bana bebe ba bakaji babidi, pashishe bidimu bisambombu bikuabu bua kupeta bimuna. Kadi wakashintulula difutu dianyi misangu dikumi.

Luke 8:44

Mukaji awu uvua ulonda Yezu munyima. Kulengaye luzemba lua tshilamba tshiende. Diakamue mashi ende a muyeya kukama.

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Yoshua 8:35

Yoshuwa kubadila bena Izrayele mikenji yonsu ya Moshe anu mushindu uvuaye muyifunde mu mukanda. Diba divuaye ubabadila, bena Izrayele bonsu bavuaku, kabidi ne bakaji, bana, ne benyi bavua munkatshi muabu, bavua amu bateleje.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

Sefanya 3:19

Diba adi, nennyoke bonsu bavua banukengeshe. Nengondape badibu batape mputa. Bantu bavua baye mu bupika, nembapingaje mu ditunga diabu. Nenkudimune kapeja kavuabu banupeja miaba yonsu, nkenza butumbi ne lumu bienu.

2 Kulondolola 15:9

Bena Izrayele ba bungi ba mu bisamba bia Efrayime, Menashe ne Shimeyone, kulamatabu mukalenga Asa. Kusombabu mu bukalenga buende, katshia bamone ne: Mvidi Mukulu uvua nende. Mukalenga Asa kubabikidisha mu bisangilu, pamue ne bena tshisamba tshia Yuda ne tshia Binyamine bonsu.

Estere 8:17

Ku ditunga dionsu, mu tshimenga tshionsu, ne konsu kuvua mukanda ewu ufika, bena Yuda bavue amu ne disanka. Bavua benzeja didia dinene dia tshibilu. Bantu ba bisamba bikuabu bavua babuela mu tshisumbu tshia bena Yuda, bua bowa buvuabu babakuatshisha kudi bena Yuda.