Zekâya 7:5 - MUKANDA WA MYIDI MUKULU

⁵ Andamuna batuangaji ne bena ditunga bonsu ne: “Kukadi bidimu makumi muanda mutekete, binudi nujila biakudia, nuasa miadi mu ngondu muitanu ne wa muanda mutekete, Panudi nulama bijila ebi, nudi nuela meji ne: nudi nunsankisha anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁵ Akula ne bantu bonso ba mu buloba ebu, ne bakuidi kabidi, ubambile ne, Hanuakajila bia kudia ne hanuakasa muadi mu ngondo muitanu ne mu ngondo wa muanda mutekete mu bidimu ebi makumi muanda mutekete, nuakajila bia kudia bua bualu buanyi mene, anyi?

Zekâya 7:5 交叉引用

Zekâya 1:12

Mutumibue wa Mvidi Mukulu kuamba kabidi ne: — Maweja-Nangila wa bukole buonsu, kukadi mpindiewu bidimu makumi muanda mutekete biudi mufikile Yerushalayime ne bimenga bikuabu bia Yuda munda. Neulame tshiji, kuyi ubafuila luse matuku makuabu bungi munyi?

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Zekâya 7:6

Nansha panudi nudia, nunua, nudi nuenza amu bua kudisankisha nkayenu!”

Zekâya 7:3

ne bua kukonka batuangaji ne bambi ne: — Tudi ne bua kutungunuka amu ne miadi, tujila kabidi biakudia mu ngondu muitanu wa tshidimu tshionsu, bu mutudi tuenza kukadi bidimu bia bungi anyi?

Kolose 3:23

Nansha mudimu kaayi unudi nawu, nuwenze ne muoyi mujima, bualu nudi nuwenzela Mfumu, kanuena nuwenzela bantu to.

2 Korente 5:15

Uvua mufuile bantu bonsu, bua bantu batshidi ne muoyi kabakebi kabidi bidi bibalengelela bobu, kadi bakebe bidi bilengelela udi mubafuile, udi Mvidi Mukulu mubishe ku lufu.

Matayi 23:5

Badi benza midimu yabu yonsu bua bantu babamone. mBafunde miaku ya tshijila pa mikaba minene, idibu basuika pa mpala nansha ku maboku. Binkutu biabu bidi ne nzemba minene kabidi.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Matayi 6:2

— Nanku paudi wambuluisha bapele, kukebi bua bantu bakumone bimpe. Bena mpala ibidi badi benza nanku mu nzubu ya kutendelela ne mu misesu. Badi bakeba amu bua bantu babatumbishe. Ndi nnujadikila bulelela ne: mbamane kupeta difutu diabu.

Zekâya 8:19

— Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!

Yirmeya 25:11

Musoku wenu ewu newikale amu tshipela. Bisamba bionsu ebi nebikale mu bianza bia Nebukadnesare, mukalenga wa bena Babilone, bidimu makumi muanda mutekete.

2 Bakalenga 25:23

Balombodi ba bena mvita ne bena mvita ba bena Yuda bavua kabayi baye ne bena Babilone, bumwa ne: mukalenga Nebukadnesare mmusungule Ngedaliya bua kuikalaye mulombodi wa ditunga, kuyabu kumonangana ne Ngedaliya ku Mispa. Balombodi bavua baye bavua Ismayele, muana wa Netaniya, Yowanane, muana wa Kareya, Seraya, muana wa Tanehumete, wa mu musoku wa Netofa, ne Yazaniya, muena Maaka.

Yeshaya 43:23

Kuena mundambule meme, kuena mungoshile bana ba mikoku to. Unudi banemeke ne milambu yenu, ki mmeme to. Meme tshiena mukubueje mu bupika, bua kukuenzela malu ku bukole, bua wewe kundambula milambu. Tshiena mukutonde pa kukulomba milambu ya manananshi.

Yeshaya 58:3

Kadi badi bankonka ne: “Mutuajila biakudia mmunyi, paudi kuyi utumona? Mutuadikengesha mmunyi, paudi ulengulula bualu ebu?” Nenku meme kuandamuna ne: Tangilayi mene tshinudi nuenza: nansha nuenu bajile biakudia, nudi nukeba kudisankisha amu nuenu nkayenu. Nudi nukengesha bena mudimu benu.

Yirmeya 29:10

“Maweja-Nangila udi wamba kabidi mpindiewu ne: Bukalenga bua bena Babilone nebushale kabidi bidimu makumi muanda mutekete. Diba adi nennusungidile. Nenkumbaje malu mimpe amvua munulaye. Nennupingaje mu Yerushalayime.

Yirmeya 52:12

Mu tshidimu tshia dikumi ne tshitema tshia bukalenga bua Nebukadnesare, dituku dia dikumi dia ngondu muitanu, Nebuzaradane kubuela mu Yerushalayime. Uvua mulombodi wa bena mvita balami ba mukalenga, mufidi wa ngenyi wa mu nzubu wa mukalenga wa bena Babilone.

Osheya 7:14

Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Zekâya 7:4

Maweja-Nangila wa bukole buonsu kungambila ne:

2 Bakalenga 25:25

Kadi, mu ngondu wa muanda mutekete wa tshidimu atshi, Ismayele, muana wa Netaniya, muikulu wa Elishama, wa mu diku dia bukalenga, kufika ku Mispa ne bantu dikumi. Kushipabu Ngedaliya, ne bena Yuda bakuabu, ne bena Babilone bavua ku nzubu kuende.