Zekâya 13:7 - MUKANDA WA MYIDI MUKULU

⁷ Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bika, muele wa nvita, taha mulami wanyi wa mikoko, ne muntu udi nyanʼanyi mu mudimu! Edi ndi dia Yehowa wa misumba. Taha mulami wa mikoko, mikoko itangadishibue; nengolole tshianza tshianyi kudi bana ba mikoko.

Zekâya 13:7 交叉引用

Marke 14:27

Yezu kuambila balongi bende ne: Nenuye bonsu, nenunshiye. Bualu mbafunde mu Mukanda wa tshijila ne: “Nenshipe mulami wa mikoku, mikoku itangalake.”

Matayi 26:31

Ke Yezu kuambila balongi bende ne: — Butuku ebu, nenunyeme bonsu, nunshiye nkayanyi. Bualu mu Mikanda ya tshijila mbafunde ne: “Nenshipe mulami wa mikoku, yoyi neitangalake.”

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yowanane 16:32

Kadi tshikondu netshifike, — ntshimane kufika mene — tshianutangalajabu bonsu buenu, muntu yonsu ku nzubu kuende. Nenunshiye nkayanyi. Kadi tshiena nkayanyi to, bualu Tatu udi nanyi.

Marke 14:50

Ke balongi bonsu kumushiya nkayende, kunyemabu.

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Zekâya 11:7

Ke meme kushala mulami wa mikoku, ivua bangenda mushinga bakeba kushipa. Nanku meme kuangata makombu abidi. Meme kuinyika dikombu dia kumpala ne: “Bulunda,” dibidi ne: “Bobumue.” Ke meme kulama nawu mikoku bimpe!

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Yirmeya 47:6

Nudi nuamba ne: “Eyi, muele wa mvita wa Maweja-Nangila, kuena wikisha anyi? Pingana mu tshibubu tshiebe. Usombe talalaa, wikishe.”

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Rome 4:25

Bayua bamufundile tshibawu tshia lufu bua mibi yetu. Bavua bamupingajile muoyi bua kutubingisha ku mesu kua Mvidi Mukulu.

Yowanane 10:30

Tatu ne meme tudi tshintu tshimue.

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Zekâya 11:4

Dituku dikuabu, Maweja-Nangila Mvidi Mukulu wanyi kungambila ne: — Ikala mulami wa mikoku idibu bakeba kushipa.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Yowanane 16:15

Bionsu bidi Tatu nabi, bidi kabidi bianyi. Ke pamvua munuambile ne: Mueyelu neupete bidi kundi meme bua kunumanyishabi.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 14:1

Yezu kuambila balongi bende ne: — Kanupampakanyi. Itabayi Mvidi Mukulu, nungitabe ne meme kabidi.

Yowanane 10:38

Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Matayi 10:42

Ndi nnujadikila bulelela ne: muntu udi upa umue wa ku bakese banyi aba nansha dikopu dia mayi matalale, bua padiye mulongi wanyi, kakubula difutu diende to.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Yezekiyele 21:28

Bena mu Yerushalayime badi bela meji ne: “Bivua muena lubuku mumanyishe mukalenga wa bena Babilone kabiena mua kuenzeka to, bualu dilaya divuabu batulaye didi ditalama bimpe.” Kadi mukalenga wa bena Babilone udi ubavuluija mudibu batombokela Maweja-Nangila, kabidi mudibu ne bua kuya nabu mu bupika.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Didimanyisha 21:6

Kuambaye kabidi ne: — Miaku yanyi mmimane kukumbana! Ndi Alfa ne Omega, ntuadijilu ne ndekelu. Udi ne nyota, nemmupeshe tshiakunua, kayi ufuta. Nemmupeshe mayi a ku mpokolu wa mayi a muoyi.

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

Filipe 2:6

Konsu eku uvua anu mulongu umue ne Mvidi Mukulu. Kadi kavua muuminyine ku bu-Mvidi Mukulu buende.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Luke 17:2

Muntu wa nanku mbimpe bamusuike dibue dinene dia kupela nadi mu nshingu, bamuele mu mayi manene, bua kafikishi nansha umue wa ku bakese aba ku dienza bibi.

Luke 12:32

— Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Matayi 18:14

Ke mudi Tatuenu wa mu diulu kayi musue ne: umue wa ku badi bu bana aba ajimine.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Zekâya 11:11

Ndondu kunyanguka dituku adi. Bangenda mushinga ba mikoku eyi bavua bantangile. Kujingululabu ne: Maweja-Nangila ke udi utuambila malu ku bidi muambi wenza.

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Yeshaya 1:25

Wewe Yerushalayime, newikale nanyi tshilumbu. Nenkuele mu kapia bua kulengulula, kumusha bikanganya biebe, kumusha manyanu onsu adi munda muebe.

Yezekiyele 7:6

Kuajiki! Nshikidilu wenu udi wenda usemena pabuipi. Wafiki. Mpindiewu udi pambidi penu.

Yezekiyele 21:3

Ubambile bua bateleje miaku yanyi indi meme Maweja-Nangila Mvidi Mukulu, ntandisha nayi ditu didi kuinshi mu ditunga: “Nentemeshe kadilu bua kuosha mitshi yebe yonsu, mibishi nansha miume. Kakuena tshidi mua kujima ndimi ya kadilu aku to. Nekalambuke biangatshile kuinshi too ne ku mutu mu ditunga. Nekoshe bantu bonsu.