Yowele 2:17 - MUKANDA WA MYIDI MUKULU

¹⁷ Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bakuidi, bakuatshi ba mudimu wa Yehowa, badidile muadi hankatshi ha mbalanda wa ntempelo ne tshioshelu; bambe biabo ne, Sungila bantu bebe, Yehowa, kufidi buhianyi buebe kudi bahendianganyi bua babahende, bua ba munkatshi mua bisamba bia bantu babaseke. Munyi muambilanganabo munkatshi mua bantu ne, Nzambi wabo udi nʼanyi?

Yowele 2:17 交叉引用

Yezekiyele 8:16

Mvidi Mukulu kungambula, kuya nanyi too ne mu lubanza lua munda mua nzubu wende. Ku tshibuelelu tshia nzubu wa Mvidi Mukulu pankatshi pa lutanda ne tshilambuilu, pavua bantu balume bu makumi abidi ne batanu. Bavua bela nyima ku nzubu wa Mvidi Mukulu, batangile luseke ludi diba dipatukila. Bavua batua binu bua kukukuila diba.

Misambu 115:2

Bantu ba bisamba bikuabu badi bakonka ne: “Mvidi Mukulu wabu udi penyi.”

Misambu 79:10

Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Matayi 23:35

Nanku nenupie tshibawu tshia bantu bonsu ba pa buloba, bavuabu bashipe kapayi bualu, bituadije ku Abele, muntu muimpe uvua muitabe Mvidi Mukulu, too ne ku Zekarya, muana wa Barakiya, unuvua bashipele pankatshi pa muaba wa tshijila ne tshilambuilu.

Amosa 7:2

Ke mpasu kudia bisosa ne bisaala bionsu bivua mu ditunga. Nanku meme kuamba ne: “Maweja-Nangila Mvidi Mukulu, ndi nkusengelela: fuila bantu bebe luse. Tshianana, nebashale ne muoyi bishi? Bualu badi amu bakese, batekete kabidi.”

Yowele 1:9

Batuangaji badi benzela Maweja-Nangila mudimu, badi badila, bualu bantu kabatshiena bafika mu nzubu wa Mvidi Mukulu, ne milambu ya ntete, nansha ya maluvu.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

1 Bakalenga 6:3

Lutanda lua ku tshibuelelu tshia nzubu wa Mvidi Mukulu, luvua metre dikumi mu butshiama, anu bunene bumue ne bunene bua nzubu wa Mvidi Mukulu. Luvua kabidi ne bule bua metre itanu.

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Amosa 7:5

Ke meme kuamba ne: “Maweja-Nangila Mvidi Mukulu, ndi nkutendakena ne: lekela kuenza nanku. Tshianana, bantu bebe nebashale ne muoyi bishi? Badi anu bakese, batekete kabidi!”

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Misambu 89:51

Maweja-Nangila, uvuluke bipendu, bidi bantu ba bungi bampenda, meme muena mudimu webe. Uvuluke mundi ngangata mu mubidi wanyi bipendu biabu.

Misambu 89:41

Udi mupule bimana biende bionsu bia kudilama nabi, udi mubutule bimana biende, bia kukolesha nabi musoku.

Misambu 79:4

Tuetu aba, bena mutumba badi batupenda, badi netu pabuipi badi batulembakaja.

Misambu 74:10

Mvidi Mukulu wanyi, muluishi neakusendeke kabidi matuku bungi munyi? Muena lukuna neakuseke kashidi anyi?

Misambu 42:10

Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

2 Kulondolola 8:12

Biangatshile musangu awu, mukalenga Shelomu uvua ulambula Maweja-Nangila milambu ya kuosha pa tshilambuilu tshivuaye mumuashile, kumpala kua muaba wa tshijila.

Dielulula 32:27

Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

Matayi 27:43

Uvua mutekemene kudi Mvidi Mukulu. Nanku bu Mvidi Mukulu umunanga bushuwa, amusungidile mpindiewu! Bualu uvua ujadika ne: “Ndi Muana wa Mvidi Mukulu.”

Malaki 1:9

Ndi nnuambila mpindiewu ne: nuidikije mua kuntendelela meme Mvidi Mukulu wenu, bua mfuile bantu banyi luse. Kadi panudi nundambula bia nanku, nudi nuela meji ne: ndi mua kunuteleja anyi? Nansha kakese!

Nehemya 9:36

Mpindiewu tudi mu bupika! Tudi bapika mu ditunga dia bankambua betu, divuabu bapete kuudi, didi ne biakudia bia bungi.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

2 Kulondolola 7:20

nenkuipate mu buloba bumvua mukupe, nengumuke mu nzubu ewu undi mujidile bua nuenu kuntendelelamu. Nanku bantu ba bisamba bikuabu nebaseke bena Izrayele, bahele bibingu.

1 Bakalenga 9:7

nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.

Dibadika 25:6

Pavua Moshe ne bena Izrayele bonsu basangile, basengelela Mvidi Mukulu ku mushiku wa ntenta wa kusambakena, kumonabu muena Izrayele mukuabu ufika mu ntenta wa bana babu, ne mukaji wa bena Madiyane.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

Misambu 42:4

Butuku ne munya tshianyi tshiakudia ke binsonji. Badi bankonka matuku onsu ne: “Mvidi Mukulu webe udi penyi?”

Misambu 42:11

Bipendu bia baluishi banyi bidi binsunsula, bualu dituku dionsu badi banseka, bangebeja ne: “Mvidi Mukulu webe udi penyi?”