Yowele 1:20 - MUKANDA WA MYIDI MUKULU

²⁰ Nyama ya tshisuku idi ikudidila, bualu misulu ya mayi mmikame. Kapia nkashidishe bisosa bia mu mpata.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ E, nyama ya mu mpata mene idi idila kûdi, bualu bua misulu ya mai yakukama, ne kahia kakuosha mpata ya mashinde ya mu tshihela.

Yowele 1:20 交叉引用

Misambu 104:21

Bana ba nyama ba ntambue badi bakeba nyama wa kukuata, badi balomba Mvidi Mukulu tshiakudia tshiayi.

1 Bakalenga 17:7

Matuku makuabu mamane kupita, musulu kuuma, bualu mwla katshivua uloka mu ditunga adi to.

Misambu 147:9

Udi udisha nyama ne bana ba tshikololu, padibi bikeba tshiakudia.

Misambu 145:15

Bonsu mbakutangile wewe Maweja-Nangila, batekemena bua ubapeshe tshiakudia diba didibu batshikengela.

Yobe 38:41

Udi uvuluka tshiakudia tshia tshikololu, diba didi tuana tuatshi tupange tshiakudia, tulomba diambuluisha kudi Mvidi Mukulu nnganyi?

1 Bakalenga 18:5

Mukalenga Akabe kuambila Obadya ne: — Ufike, tuye mu ditunga dijima, bendakane ku mpokolu ya mayi yonsu ne ku misulu yonsu, ne tudi mua kupeta bisosa bia kudisha nyama ya tubalu ne mpunde. Nanku, katuakuikala ne tshilumbu tshia kushipa nyama yetu to.

Yirmeya 14:4

Babidime badi ne dibungama. Kanyinganyinga kadibu naku kadi kamueneka. Badi bamona buloba buela mitanta, bualu mvula kavua muloke to.

Yirmeya 28:8

Nansha wewe, nansha meme, katuyi banji kukuata mudimu wa buambi, kuvua bambi kale. Bambi abu bavua bambila bantu ba mu matunga manene, ne ba mu makalenga manene, malu a Mvidi Mukulu. Bavua bapita kumanyisha amu bua mvita, makenga ne disama dia tshiambu.

Yowele 1:18

Telejayi mudi nyama itua mikemu! Bisumbu bia ngombe bidi bitambakana nseke yonsu, bualu kayena kabidi ne bisosa bia kudia. Mikoku mene idi ifua.