Yowele 1:18 - MUKANDA WA MYIDI MUKULU

¹⁸ Telejayi mudi nyama itua mikemu! Bisumbu bia ngombe bidi bitambakana nseke yonsu, bualu kayena kabidi ne bisosa bia kudia. Mikoku mene idi ifua.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Monai mudi bimuna bitua mikemu! Bisumbu bia ngombe bidi biendakana eku ne eku, bualu bua kabiena ne mashinde; e, bisumbu bia mikoko kabidi bidi bikenga.

Yowele 1:18 交叉引用

Osheya 4:3

Nanku, mu ditunga nemuikale munanga mukole, udi ubutula bantu bonsu, too ne nyama ne nyunyi. Nansha minyinyi ya mu mayi manene neijimine.”

Yirmeya 12:4

Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Rome 8:22

Bualu tudi bamanye ne: too ne lelu bifukibua bionsu bitshidi bitua mikemu, bikenga bu mukaji pa lulelu.

Yowele 1:20

Nyama ya tshisuku idi ikudidila, bualu misulu ya mayi mmikame. Kapia nkashidishe bisosa bia mu mpata.

1 Bakalenga 18:5

Mukalenga Akabe kuambila Obadya ne: — Ufike, tuye mu ditunga dijima, bendakane ku mpokolu ya mayi yonsu ne ku misulu yonsu, ne tudi mua kupeta bisosa bia kudisha nyama ya tubalu ne mpunde. Nanku, katuakuikala ne tshilumbu tshia kushipa nyama yetu to.

1 Bakalenga 8:5

Mukalenga Shelomu ne bena Izrayele bonsu bavua badisangisha kumpala kua mushete. Kulambulabu milambu ya bungi: mikoku ne ngombe. Kabavua mua kubala bungi buayi to.

Amosa 1:2

Amosa kuamba ne: Maweja-Nangila udi wakula ne tshiji, ukungula bu ntambue. Diyi diende ndifumine ku mukuna wa Siyone, ku Yerushalayime, muaba udiye usomba. Mpata ya bisosa bivule idi ifuba yonsu. Ku lusongu lua mukuna wa Karmele, nansha metu mene adi uma.

Abakuke 3:17

Mitshi ya mfiku kayena ikuama bimuma, mu mionji ya nwinyo kamuena tumuma, ku mitshi ya olive kudi kutupu, biakudia kabiena bitoloka mu madimi, mu mpangu kamuena mikoku, ngombe kayena ilala mu bikumbi.

Agayi 1:10

Ke padi mvula kayi uloka, bintu kabiyi bitoloka.