Yowanane 8:39 - MUKANDA WA MYIDI MUKULU

³⁹ Kumuandamunabu ne: — Tatuetu ke Abrahame. Yezu kubambila ne: — Bu nuenu bikale bana ba Abrahame, nuvua mua kukuata midimu ivuaye mukuate.

Mukanda wa Nzambi Dihungila Dikulukulu ne Dihungila Dihia-dihia 2003

³⁹ Bakamukudimuna ne, Abalahama ntatu wetu, Yesu wakabambila ne, Bu nuenu bikale bana ba Abalahama, nuakadi kuenza bienzedi bia Abalahama.

Yowanane 8:39 交叉引用

Ngalate 3:7

Ke munudi numona ne: ndelanganyi menemene ya Abrahame mbantu badi bitaba.

Rome 9:7

Ndelanganyi ya Abrahame kayena yonsu bana bende menemene to. Bualu Mvidi Mukulu uvua muambile Abrahame ne: “Kudi Izake ke kuwapetela ndelanganyi imvua mukulaye.”

Yowanane 8:37

Ndi mumanye ne: nudi ndelanganyi ya Abrahame. Kadi nudi nukeba kunshipa, bualu kanuena banyishe dilongesha dianyi.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Rome 4:16

Nanku Abrahame uvua mupete dilaya amu bua ditaba, bua dikale dipa didi Mvidi Mukulu upa tshianana. Ke padi dilaya edi ne mushinga mu ndelanganyi yonsu ya Abrahame, kadiyi amu bua badi bakumbaja mikenji, kadi kabidi bua badi bitaba Mvidi Mukulu mushindu uvua Abrahame mumuitabe. Abrahame udi tatu wetu bonsu,

Rome 4:12

Udi kabidi tatu wa badibu bateke panshi, kadi badi kabayi batekemena amu ku diteka panshi diabu adi. Badi balonda njila wa ditaba uvua Abrahame mulonde, nansha pavuabu kabayi banji kumuteka panshi.

Yowanane 8:33

Bobu kumuandamuna ne: — Tuetu tudi ndelanganyi ya Abrahame. Katuena banji kuikala bapika ba muntu nansha. Mmunyi muudi utuamba ne: Nenuikale bantu badikadile?

Yowanane 8:43

Tshinudi kanuyi numvuila bindi nnuambila ntshinyi? Bualu kanuena ne mushindu wa kuteleja miaku yanyi.

Yowanane 8:56

Tatu wenu Abrahame uvua musanke, ujinga dituku dianyi. Wakadimona, wasanka kabidi.