Yowanane 8:26 - MUKANDA WA MYIDI MUKULU

²⁶ Ndi ne malu a bungi a kuamba, kabidi a kunudiwula nawu. Kadi uvua muntume udi wamba malu malelela. Meme ndi ngambila bantu amu malu andi mumvue kudiye.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Ndi ne malu a bungi a kuamba bualu buenu ne a kunulumbuluisha; kadi wakuntuma udi mulelela; ndi ngambila ba ha buloba malu anakusua kudiye.

Yowanane 8:26 交叉引用

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Yowanane 8:40

Kadi mpindiewu nansha mundi mumane kunuambila malu malelela andi mupete kudi Mvidi Mukulu, nudi nukeba kunshipa. Abrahame kavua muenze bualu bua mushindu ewu to.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 7:28

Diba adi Yezu uvua ulongesha mu nzubu wa Mvidi Mukulu. Kuelaye diyi dikole ne: — Nuenu nudi baajingulule meme, bamanye menemene kundi mfuma anyi? Tshiena mudivuile mu dina dianyi to. Kadi uvua muntume, nudi mua kutekemena kudiye. Nuenu kanuena bamumanye.

2 Korente 1:18

Mvidi Mukulu, udi ne diyi dimue, udi mua kujadika ne: tshiena mua kumulaya bualu mukana, kububenga munda.

Yowanane 16:12

Ntshidi ne malu a bungi a kunuambila. Kadi kanuena mua kuajingulula mpindiewu.

Yowanane 7:16

Ke Yezu kubandamuna ne: — Dilongesha dindi ndongesha kadiena difuma kundi, kadi kudi Mvidi Mukulu uvua muntume.

Yowanane 3:11

Ndi nkuambila bulelela ne: Tudi tuakula bitudi bamanye. Tudi tuamba kabidi bituvua bamone. Kadi kanuena nuanyisha bitudi tunujadikila.

Yowanane 8:25

Kumukonkabu ne: — Wewe udi nganyi? Yezu kubandamuna ne: — Amu mumvua munuambile biangatshile ku tshibangidilu, ke mundi.

Yowanane 8:27

Kabatua bajingulula ne: utua utela Tatu.

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.