Yowanane 8:25 - MUKANDA WA MYIDI MUKULU

²⁵ Kumukonkabu ne: — Wewe udi nganyi? Yezu kubandamuna ne: — Amu mumvua munuambile biangatshile ku tshibangidilu, ke mundi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bakamukonka ne, Wewe nganyi? Yesu wakabambila ne, Ndi yeye unakunuambila ku tshibangidilu tô ne katataka.

Yowanane 8:25 交叉引用

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Luke 22:67

bamuebeja ne: — Wewe udi Kristu anyi? Utujadikile! Yezu kubandamuna ne: — Nansha meme munujadikile, kanuakungitaba to.

Yowanane 19:9

Kupinganaye mu nzubu wa bukalenga, bua kuebeja Yezu ne: — Udi mufume penyi? Kadi Yezu kavua muandamune to.

Yowanane 1:22

Nanku kumuambabu ne: — Kadi udi nganyi? Utuandamune, bua tuye kuambila bavua batutume? Udi udiamba mene ne: ndi nganyi?

Yowanane 10:24

Ke bena Yuda kumunguila, bamukonka ne: — Neutupampakaje too ne ku diba kaayi? Paudi Meshiya, utuambile patoke.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Yowanane 8:26

Ndi ne malu a bungi a kuamba, kabidi a kunudiwula nawu. Kadi uvua muntume udi wamba malu malelela. Meme ndi ngambila bantu amu malu andi mumvue kudiye.