Yowanane 7:38 - MUKANDA WA MYIDI MUKULU

³⁸ Ke padibu bafunde mu Mikanda ya tshijila ne: “Misulu ya mayi a muoyi neyipueke munda mua muntu udi ungitaba.”

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Misulu ya mai a muoyo nebatuke munda mua wangitabusha, bu muakamba Mukanda wa Nzambi.

Yowanane 7:38 交叉引用

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Yeshaya 12:3

Nenusune mayi a disanka, ku mpokolu ya lupandu.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Nsumuinu 10:11

Miaku ya muntu muakane idi mpokolu wa muoyi. Miaku ya muntu mubi idi ijuula mvita.

Zekâya 14:8

Dituku adi, mpokolu neabudike mu Yerushalayime, tshia bibidi tshimue tshia mayi awu, netshipuekele ku Mayi manene a luepu, tshia bibidi tshikuabu netshipuekele ku Mayi manene a pankatshi. Nebienzeke nanku tshidimu tshijima, mu mushipu, nansha mu mvula.

Nsumuinu 18:4

Miaku ya muntu idi mua kuikala miondoke bu mayi manene malabale. Idi ipetesha muntu muoyi bu mudi mpokolu ubudika mayi.

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

Yeshaya 35:6

Diba adi, batebuki nebatupike, baja ne maja, bu ngulungu mu mpata. Tumama netuele mbila ya disanka. Bualu mu tshipela, nemupatuke mayi: Misulu neipueke mu ditunga divua ne munanga.

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!