Yowanane 7:26 - MUKANDA WA MYIDI MUKULU

²⁶ Kadi tangilayi: udi wakula kumpala kua bantu bonsu, kakuyi muntu umuenza bualu! Bamfumu betu mbajadike bulelela ne: udi Meshiya anyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kadi monai, yeye udi wamba malu ku mesu kua bantu bonso, kabena bamuambila bualu. Bakelenge badi bamanye bulelela ne, Yeye udi Kilisto, anyi?

Yowanane 7:26 交叉引用

Yowanane 7:48

Kudi mfumu wa kutudi nansha umue, nansha muntu wa ku Baparushe uvua mumuitabe anyi?

Filipe 1:14

Pavuabu bammona mu lukanu, bana hetu ba bungi bavua amu batekemena kudi Mfumu, balongesha amu kulongesha muaku wa Mvidi Mukulu, kabayi batshina.

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Yowanane 12:42

Kadi nansha munkatshi mua bamfumu ba bena Yuda, ba bungi kuitaba Yezu. Kadi kabavua badileja patoke. Bualu bavua batshina Baparushe bavua mua kubipata mu nzubu wa kutendelela.

Yowanane 9:22

Bavua bandamuna nanku, bualu bavua batshina bamfumu ba bena Yuda. Bualu bamfumu bavua bamane kumyuangana bua kuipata mu nzubu wa kutendelela wa bena Yuda muntu yonsu wajadika ne: Yezu udi Meshiya.

Luke 7:30

Kadi Baparushe ne balongeshi ba mikenji bavua babenga tshivua Mvidi Mukulu mubalongoluele. Nanku kabavua basue bua Yowanane abatue mu mayi.

Matayi 22:16

Kutumabu balongi babu bakuabu, ne bamue ba bena Erode, bua kuambila Yezu ne: — Mulongeshi, tudi bamanye ne: wewe udi wamba malu malelela. Udi ulongesha amu patoke tshidi Mvidi Mukulu musue bua muntu enze. Kuena utshina bidi bantu bela meji, bualu kuena ukakala muntu. Kuena utshina buneme bua muntu.

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Luke 23:13

Pilate kusangisha bamfumu ba batuangaji, bakulu, ne bantu bakuabu bonsu,

Yowanane 3:1

Kuvua muntu, dina diende Nikodemu. Uvua wa mu tshisumbu tshia Baparushe, muikale kabidi umue wa ku bamfumu ba bena Yuda.

Yowanane 4:29

— Luayi numone muntu uvua mungambile malu onsu amvua muenze. Bumue udi mua kuikala Meshiya anyi?

Yowanane 7:25

Bena mu Yerushalayime bakuabu bavua bakonka ne: — Muntu ewu bamfumu bavua bakeba kumushipa, ki mmomumue anyi?

Yowanane 7:31

Kadi ba bungi ba ku bavua muaba awu, kumuitaba. Bavua bakonkangana ne: “Pafika Meshiya, neenze bishima bipite bivua muntu ewu muenze anyi?”

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.