Yowanane 6:44 - MUKANDA WA MYIDI MUKULU

⁴⁴ Muntu kena mua kufika kundi padi Tatu uvua muntume kayi mumufikishe kundi. Meme nemmubishe ku lufu dituku dia nshikidilu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Kakuena muntu udi mumanye mua kudivuila kundi, hikala Tatu wakuntuma kai mumukoke; ne meme nemubishe dituku dia kunshikidilu.

Yowanane 6:44 交叉引用

Yowanane 6:65

Kuambaye kabidi ne: — Ke pamvua munuambile ne: muntu kena mua kufika kundi padi Mvidi Mukulu kayi mumupeshe mushindu wa kuenza nanku.

Yowanane 12:32

Kadi meme, pangelabu kulu, nenkoke bantu bonsu kundi.

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Yowanane 6:45

Bambi bavua bafunde ne: “Mvidi Mukulu neabalongeshe bonsu buabu.” Muntu yonsu udi uteleja Tatu, ulonga malu ende, udi ufika kundi.

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Osheya 11:4

Mvua mubaludike ne luse ne dinanga. Mvua mubambule, mudi tatu ukongoloja muanende mutekete ku ditama. Mvua muiname bua kudisha bena Izrayele.

Kolose 2:12

Bualu pavuabu banutue mu mayi, bavua banujike pamue ne Kristu. Kadi nuvua babiike kabidi pamue nende. Bualu panuvua bitabe, nuvua badifile kudi Mvidi Mukulu, muena bukole, uvua mubishe Kristu ku bafue.

Filipe 1:29

Bualu Mvidi Mukulu mmunupe dipa dia nuenu kukuatshila Kristu mudimu. Kanuena amu ne bua kumuitaba nkayaku, kadi nudi ne bua kukenga kabidi bualu buende.

Musambu wa Solomo 1:4

Unkuate ku tshianza, tuye nebe lukasa. Mukalenga wanyi, umbueje mu tshibambalu tshiebe, tusanke bubidi buetu. Tusangale, bualu dinnanga diebe ndisheme dipite maluvu. Ke padi nsongakaji yonsu ikunanga.

Yowanane 8:43

Tshinudi kanuyi numvuila bindi nnuambila ntshinyi? Bualu kanuena ne mushindu wa kuteleja miaku yanyi.

Yirmeya 13:23

Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

Yowanane 6:43

Yezu kubandamuna ne: — Lekelayi kufika munda munkatshi muenu.