Yowanane 4:48 - MUKANDA WA MYIDI MUKULU

⁴⁸ Yezu kumuamba ne: — Nuenu, kanuena ne mushindu wa kuitaba panudi kanuyi numona bishima ne malu a kukema.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ Yesu wakamuambila ne, Binuikala kanui numona bimanyinu ne malu a kukema, kanuena nuitabusha, nasha kakese.

Yowanane 4:48 交叉引用

Yowanane 20:29

Yezu kumuambila ne: — Udi witaba bua paudi mummone. Bantu badi bangitaba kabayi bammone ke bena diakalenga.

Ebrewu 2:4

Mvidi Mukulu uvua kabidi mujadike bulelela bua bivuabu bambe ku bishima ne ku malu a kukema a mishindu yonsu. Uvua muabanye kabidi mapa a kudi Mueyelu wa Tshijila muvuaye musue.

1 Korente 1:22

Bena Yuda badi basue kumona malu a dikema, bena Ngreke badi bakeba meji.

Danyele 4:2

Dituku dikuabu, pa bulalu buanyi, meme kulota tshilota tshivua tshinkuatshisha bowa. Meji amvua ngela pamvua mulale, ne malu avua Mvidi Mukulu undeja, kunkuatshishabi bowa bukole.

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Yowanane 12:37

Nansha muvuaye muenze bishima bia bungi bobu batangila, kabavua bamuitaba to.

2 Korente 12:12

Lutuulu lumvua nalu, malu a dikema ne bishima bimvua muenze munkatshi muenu, ke bivua mua kunujadikila mundi mupostolu.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.

Bienzedi 14:3

Kadi Polu ne Barnabase bavua amu mua kushala matuku makumbane mu Ikoniyume. Bavua batekemena kudi Mfumu, balongesha bantu ne: Mfumu ke udi utupa bumfumu bua kuenza bishima ne malu a dikema. Ke mudiye unuleja ne: bitudi tunulongesha pa dinanga didi Mvidi Mukulu utunanga nadi mbilelela.

Marke 13:22

Bualu ba Meshiya ba dishima ne bambi ba dishima nebafike, nebenze bimanyinu ne bishima bua kupeta mushindu wa kushima bantu badi Mvidi Mukulu mumane kusungula.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Bienzedi 2:43

Muntu yonsu uvua ne bowa, bualu bapostolu bavua benza bishima ne malu a kukema mavule.

Yowanane 2:18

Nanku bamfumu ba bena Yuda kukonka Yezu ne: — Udi mua kuenza bualu bua dikema kayi, bua tuetu kujadika ne: udi ne bukokeshi bua kuenza nanku?

Luke 16:31

Kadi Abrahame kumuambila ne: “Pikalabu babenga kuteleja Moshe nansha bambi, muntu nansha yeye mubiike ku bafue, kabena mua kumuitaba to.”

Dibadika 14:11

Maweja-Nangila kuambila Moshe ne: — Ndi muenzele bantu aba bishima bia bungi bua kubaleja bukole buanyi. Kadi nebambenge too ne ku diba kaayi? Nebabenge kashidi bua kungitaba anyi?

2 Tesalonike 2:9

Muena bubi neafike ne bukole bua diabolu. Neenze bishima bia mishindu yonsu, ne malu a kukema, bua kudinga nabi bantu.

Bienzedi 15:12

Bonsu bavua mu tshipangu kushala bapuwa. Bavua bateleja muvua Barnabase ne Polu babalondela malu a dikema ne bishima bionsu bivua Mvidi Mukulu muenzele bantu ba bisamba bikuabu mu bianza biabu.

Bienzedi 7:36

Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

Bienzedi 6:8

Mvidi Mukulu uvua muele Stefane lupemba. Kupetaye bukole bua kuenza bishima ne malu a dikema munkatshi mua bantu.

Bienzedi 5:12

Bapostolu bavua benza bishima bia bungi ne malu a dikema munkatshi mua bantu. Bena ditaba bavua basangile pamue mu lutanda lua Shelomu.

Bienzedi 4:30

Olola tshianza tshiebe, jikija masama a babeedi, enza bishima ne malu a dikema, mu dina dia muntu webe wa tshijila Yezu.

Bienzedi 2:19

Nengenze malu a kukema mu diulu muamua, ne bishima pa bupoba apa: nebamone mashi, kapia, ne dibungi dikole dia muinshi.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

Luke 10:18

Yezu kubandamuna ne: — Mvua mumone diabolu ukuluka mu diulu bu muele wa mvula.

Matayi 27:42

— Yeye ewu uvua musungidile bantu bakuabu. Kadi kena mua kudisungidila bua tshinyi? Yeye kena mukalenga wa Izrayele anyi? Atuluke mpindiewu ku mutshi mutshiamakane, netumuitabe!

Matayi 16:1

Baparushe ne Basaduke kuya kudi Yezu bua kumuteta. Bavua bamulomba bua abaleje ne tshishima mudi bumfumu buende bufume kudi Mvidi Mukulu.

Danyele 6:27

“Ndi ngela mukenji ewu ne: Mu buloba buonsu budi ku bumfumu buanyi, muntu yonsu udi ne bua kuleja mudiye unemeka muende muonsu Mvidi Mukulu wa Daniyele. Yeye ke Mvidi Mukulu wa muoyi, udi ushala tshiendelele. Bukalenga buende budi bushala kashidi. Bumfumu buende kabuena bujika.

Yowanane 4:49

Muena mudimu munene wa mu mbulamatadi awu kumuandamuna ne: — Mulongeshi, tuye kuanyi patshidi muananyi kayi muanji kufua.