Yowanane 4:46 - MUKANDA WA MYIDI MUKULU

⁴⁶ Nanku Yezu kupingana mu Kana ka Ngalileya muvuaye muandamuine mayi menze nwinyo. Mu musoku awu muvua muena mudimu munene wa mbulamatadi. Uvua ne muanende wa balume usama ku musoku wa Kefamawume.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁶ Yeye wakalua kabidi ku Kana wa Galela kuakakudimuneye mai nvinyo. Muloho wa mukelenge wakadi ne muanʼandi usama mu Kapênuma.

Yowanane 4:46 交叉引用

Luke 8:42

Bualu muanende wa bakaji umue epele wa mvula dikumi ne ibidi uvua upunga ne lufu. Pavua Yezu uya ku nzubu aku, bantu bavule bavua bamufimpakaja nseke yonsu.

Luke 7:2

Muaba awu muvua mfumu wa basolayi ba bena Rome, muikale ne muena mudimu wende uvuaye munange bikole. Muena mudimu awu uvua usama bikole, wamba kufua.

Matayi 15:22

Ke mukaji wa bena Kenaane, uvua musombe mu buloba abu, kufika kudi Yezu, wela lubila lukole ne: — Mfumu, Muana wa Davide, mfuilaku luse! Muananyi wa bakaji kena bimpe to! Mbamu-kengeshe kudi mukishi mubi.

Matayi 9:18

Patshivua Yezu ubambila malu awu, mfumu kampande wa bena Yuda kufika. Kutuaye binu kumpala kua Yezu, umuambila ne: — Muananyi wa bakaji utshidi ukula muoyi amu mpindiewu. Katuye, umutenteke tshianza. Nanku neapete muoyi.

Osheya 5:15

Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Misambu 50:15

Pakukuata dikenga, umbikile nenkusungidile. Nenku neuntumbishe!

Yowanane 21:2

Simone Petro, Tomase (udibu binyika ne: wa Dipasa), Natanayele (uvua wa mu Kana mu Ngalileya), bana ba Zebede ne balongi bakuabu babidi ba Yezu bavua pamue.

Misambu 78:34

Bamane kupunga ne lufu, kutangilabu kabidi kudi Mvidi Mukulu, kupinganabu kudiye bakeba diambuluisha diende.

Yoshua 19:28

Abdone, Rekobe, Amone ne ku Kana, bua kushikidila pabuipi ne tshimenga tshinene tshia Sidone.

Matayi 4:13

Kadi kavua mushale mu Nazarete to. Kuyaye kusomba mu Kefamawume, tshimenga tshiyuabu base ku muelelu wa Dijiba dinene dia Ngalileya, mubuloba bua Zebulone ne bua Naftali.

Luke 4:23

Yezu kubambila ne: — Bulelela nenungelele lusumuinu lua ne: “Wewe munganga, wadiondapa nkayebe!” Nenungambile kabidi ne: “Bimvua bumvue wewe muenze mu Kefamawume, ubienze kabidi munu mu tshimenga tshienu.”

Yowanane 2:12

Pashishe Yezu kuya mu tshimenga tshia Kefamawume ne mamuende, ne bana babu, kabidi ne balongi bende. Bobu kushalamu matuku makese.