Yowanane 4:36 - MUKANDA WA MYIDI MUKULU

³⁶ Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Udi unowa udi wangata difutu, udi usangisha bintu bia ku muoyo wa tshiendelele; bua mukunyi ne munowi basanke hohamue.

Yowanane 4:36 交叉引用

Rome 1:13

Bana hetu, ndi musue mmanye ne: mvua mujadike misangu ne misangu bua kufika kuenu aku. Kadi too ne lelu bavua amu bampumbishe. Mvua mujinge bua mudimu undi nkuata upete tshipeta ne kuenu kabidi, bu mudiwu wenda udiunda mu matunga makuabu a pa buloba.

Rome 6:22

Kadi lelu mbanupikule ku bubi. Nudi nukuatshila Mvidi Mukulu mudimu. Ke munudi bantu ba tshijila, badi benza bidi Mvidi Mukulu musue. Ku ndekelu nenupete muoyi wa tshiendelele.

Danyele 12:3

Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

Nsumuinu 11:30

Bidi muntu udi utshina Mvidi Mukulu wenza, bidi bipetesha muoyi. Muntu wa meji udi usankisha bakuabu.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

1 Tesalonike 2:19

Bualu amu nuenu, nudi ditekemena ne disanka dietu, ki mbantu bakuabu to! Nuenu ke badi baleja bantu mutudi batshimune. Amu bualu buenu, ke mutuaditambishila pafika Mfumu wetu Yezu Kristu.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Matayi 19:29

Kabidi muntu yonsu udi ushiya mu dina dianyi nzubu yende, bana babu ba balume ne ba bakaji, tatuende, mamuende, bana badiye mulele, nansha madimi ende, neapete bipite misangu lukama. Neapete kabidi muoyi wa kashidi.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

1 Korente 9:17

Bu meme mudisunguile mudimu ewu, mvua mua kutekemena bua bamfute. Kadi pandi tshiyi ngenza mudimu awu ku disua dianyi, ndi nkumbaja amu bidibu bamfundile.

1 Korente 9:18

Nanku difutu dindi mpeta ndifutu kaayi? Ke disanka dindi nadi, pandi mua kulongesha Lumu lua Disanka patupu, tshiyi nkeba ne: bamfute, tshiyi ndomba bidi muambi wa Lumu lua Disanka mua kulomba.