Yowanane 4:16 - MUKANDA WA MYIDI MUKULU

¹⁶ Yezu kumuamba ne: — Uye kubikila bayebe, nufike nende apa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yesu wakamuambila ne, Ya ubikile mulume webe, ulue biebe kunoko.

Yowanane 4:16 交叉引用

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Yowanane 4:18

Bualu uvua ne balume batanu. Mulume uudi nende mpindiewu ki mbayebe to. Uvua mungambidilemu bulelela.

Yowanane 1:42

Kuyaye ne Simone kudi Yezu. Yezu kutangila Simone, umuamba ne: — Wewe udi Simone, muana wa Yowanane. Nebakuinyike ne: Kefase. (Mmomumue ne: “Dibue”).

Yowanane 4:15

Mukaji kumuamba ne: — Mulongeshi, umpeshe mayi awu, bua tshikadi kabidi ne nyota, tshikadi kabidi ne dikenga dia kusuna mayi muaba ewu.

Yowanane 4:17

Mukaji kumuandamuna ne: — Tshiena ne bayanyi. Ke Yezu kumuambila ne: — Udi muambilemu bushiwa ne: tshiena ne bayanyi.