Yowanane 4:14 - MUKANDA WA MYIDI MUKULU

¹⁴ Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Yowanane 4:14 交叉引用

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Didimanyisha 7:16

Kabakumvua kabidi nzala musangu nansha umue. Nyota kayakubasuma. Munya kawakubosha. Luya lukole kaluakubabuela.

Yowanane 11:26

Yonsu udi ne muoyi, ungitaba, kena ufua nansha. Udi witaba nanku anyi?

Yowanane 6:58

Edi ke diampa difume mu diulu. Kadiena bu divuabu badie kudi bankambua benu bakadi bamane kufua. Muntu udi udia diampa edi neikale ne muoyi tshiendelele.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

2 Korente 1:22

ututua tshitampi tshiende bua kuleja ne: tudi bende, utupa kabidi Mueyelu wa Tshijila bu tshieya tshia bionsu bidiye utulamina.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

Yowanane 10:10

Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Yirmeya 31:25

Bualu badi bapungila ne nyota, nembapeshe mayi a kunua, badi batekete ne nzala, nembadishe.

Yezekiyele 47:9

Muaba onsu udi mayi awu afika, nyama ya mishindu yonsu, kabidi ne mishipa, neyivulangane. Mayi awu nealengeje mayi manene. Muaba onsu udiwu abuela neafile muoyi.

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Yowanane 4:11

Mukaji kumuambila ne: — Mulongeshi, kuena ne mbeketshi, kabidi tshiina tshidi tshiondoke. Kadi mayi a muoyi udi mua kuapeta bishi?

Yowanane 4:13

Yezu kumuandamuna ne: — Muntu yonsu udi unua mayi aa neumvue kabidi nyota.

Yowanane 4:36

Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.

Lewitiki 11:36

Padi kanyama kamue kafue, kaponena mu mpokolu nansha mu tshiina tshia mayi, mayi awu kaena ne bualu to, adi mimpe. Kadi muntu udi upatula kanyama kafue aku mu mayi, neapie mikiya.