Yowanane 21:14 - MUKANDA WA MYIDI MUKULU

¹⁴ Ke musangu muisatu uvua Yezu mumuenekele balongi bende katshia wabika ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Eu wakadi musangu muisatu wakamueneka Yesu kudi bayidi, hakabikeye ku lufu.

Yowanane 21:14 交叉引用

Yowanane 20:26

Lumingu kupita, balongi ba Yezu bavua badisangishe mu nzubu tshiakabidi. Tomase uvua nabu. Biibi bivua bikanga ne nsapi. Kadi Yezu kufika, kuimana munkatshi muabu, ubela muoyi ne: — Bupole buikale nenu!

Yowanane 20:19

Dilolu mene dia dituku dia lumingu adi, balongi bavua badisangishe mu nzubu, binjile biibi bakanga ne nsapi, bualu bavua batshina bamfumu ba bena Yuda. Ke Yezu kufika, kuimana munkatshi muabu ubela muoyi ne: — Bupole buikale nenu!

Marke 16:12

Pashishe, Yezu kumueneka mushindu mukuabu kudi balongi babidi, bavua baya ku musoku.

Marke 16:14

Ku ndekelu, Yezu kumuenekela balongi dikumi ne umue pavuabu badia. Uvua ubatandisha bua pavuabu kabayi ne ditaba ne pavuabu ne muoyi mupape kabayi mua kuitaba bantu bavua bamane kumumona ne muoyi bamba.

Yowanane 21:1

Kunyima kua matuku, Yezu kumuenekela balongi bende tshiakabidi ku dijiba dia Tiberiyade. Telejayi muvuaye mubamuenekele:

Bienzedi 1:3

Kunyima kua lufu luende, uvua mumuenekele bapostolu misangu ne misangu, bua kubajadikila ne: ndi ne muoyi. Uvua mudileje kudibu matuku makumi anayi, ubambila malu a pa Bukalenga bua Mvidi Mukulu.