Yowanane 20:22 - MUKANDA WA MYIDI MUKULU

²² Mumane kuamba nanku, kubelaye mupuya, ubambila ne: — Angatayi Mueyelu wa Tshijila!

Mukanda wa Nzambi Dihungila Dikulukulu ne Dihungila Dihia-dihia 2003

²² Hakambeye dî edi, wakabela muhuya, wakabambila ne, Nuangate Nyuma Muimpe;

Yowanane 20:22 交叉引用

Yobe 33:4

Mvidi Mukulu mmumfuke ne Mueyelu wende, mupuya wa Muena bukole buonsu ke udi mumvuije ne muoyi.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Bienzedi 19:2

Kubakonkaye ne: — Nuvua bapete Mueyelu wa Tshijila, diba dinuvua batuadije kuitaba Yezu anyi? Kumuandamunabu ne: — Katuena nansha banji kumvua batela ne: Mueyelu wa Tshijila udiku to!

Bienzedi 8:15

Bobu bamane kufika mu Samariya, kutendelelabu Mvidi Mukulu, bua bena ditaba bapete Mueyelu wa Tshijila.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Yezekiyele 37:9

Nanku Maweja-Nangila kungambila ne: — Muntu, bikila mueyelu wa muoyi, uwambile ne: “Mueyelu wa muoyi, Maweja-Nangila udi ukutumina diyi ne: Ufumine ku nseke yonsu, ubuele munda mua bitalu ebi bua bipete muoyi.”

Misambu 33:6

Maweja-Nangila mmufuke diulu ku muaku wende, mmufuke bia mulu bionsu ku mueyelu wa mukana muende.

Bienzedi 2:4

Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

Ngalate 3:2

Ndi musue kunuela lukonku amu lumue: nuvua bapete Mueyelu wa Mvidi Mukulu bua tshinyi? Bualu nuvua bakumbaje mikenji, anyi bualu nuvua bumvue Lumu lua Disanka, baluitabe?

Bienzedi 4:8

Ke Petro, muwule ne Mueyelu wa Tshijila, kubambila ne: — Nuenu bamfumu ba ditunga ne bakulu,

Bienzedi 10:47

— Bu mudi bantu abu bamane kupeta Mueyelu wa Tshijila mumue netu, udi mua kukandika bua babatue mu mayi nnganyi?

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

Yowanane 14:16

Nendombe Tatu bua anupe udi mua kunuambuluisha, Mueyelu wa bulelela bua wikale nenu kashidi.

Yowanane 16:7

Kadi ndi nnujadikila ne: buenu nuenu bidi bimpe nye. Bualu meme tshiyi muye, udi mua kunuambuluisha kena ufika kunudi to. Kadi meme muye, nennutumineye.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Yowanane 20:23

Bantu banudi nujimijila mibi yabu, mibi yabu neyijimine; banudi nubenga kujimijila mibi yabu, kayena ijimina.