Yowanane 16:22 - MUKANDA WA MYIDI MUKULU

²² Ke munudi nubungama nuenu kabidi mpindiewu. Kadi nennumone tshiakabidi. Muoyi wenu neusanke. Kakuakuila muntu nansha umue udi mua kununyenga disanka dienu.

Mukanda wa Nzambi Dihungila Dikulukulu ne Dihungila Dihia-dihia 2003

²² Nunku katataka nudi ne kanyinganyinga; kadi nenumone kabidi, mitshima yenu neisanke, muntu kena ununyenga disanka dienu.

Yowanane 16:22 交叉引用

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

Bienzedi 13:52

Kadi bena ditaba ba mu Antiyokiya bavua ne disanka, buwule ne Mueyelu wa Tshijila.

Yowanane 16:6

Kadi mioyi yenu mmiuwule ne dibungama, bualu ndi munuambile malu aa.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Bienzedi 16:25

Munda nkulu, Polu ne Silase bavua batendelela, bimba misambu, batumbisha Mvidi Mukulu. Bena lukanu bakuabu bavua babateleja.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Misambu 146:2

Nentumbishe Mvidi Mukulu wanyi matuku onsu antshidi ne muoyi, nemmuimbile misambu bidimu bionsu bindi panu.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Bienzedi 5:41

Bapostolu kumuka mu Tshipangu, benda basanka, bualu Mvidi Mukulu uvua mubamone ne: mbakane kumvua bipendu bua dina dia Yezu.

Yowanane 21:7

Mulongi uvua Yezu munange, kuambila Petro ne: — Ke Mfumu! Petro umvua ne: “mMfumu,” kuvualaye tshilamba tshiende (bualu kavua ne bilamba pambidi to.) Kudielaye mu mayi.

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Yowanane 14:1

Yezu kuambila balongi bende ne: — Kanupampakanyi. Itabayi Mvidi Mukulu, nungitabe ne meme kabidi.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Luke 24:41

Kadi balongi kabatshivua bitaba to, bualu bavua ne disanka dipite, bakema bikole be. Ke Yezu kubakonka ne: — Muaba ewu, nudi ne tshintu tshia kudia anyi?

Luke 16:25

Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Luke 10:42

Kadi kudi bualu bumuepele bunudi nukengela. Mariya mmusungule tshidi tshipite buimpe, tshidibu kabayi mua kumunyenga.

Matayi 28:8

Bakumuka lukasa lukasa ku lukita, ne disanka dinene, kabidi ne bowa munda tente. Kuyabu lubilu bua kumanyisha balongi ba Yezu bualu abu.

Yowanane 16:20

Ndi nnujadikila ne: nenudile, nuele miyenga, kadi ba pa buloba nebasanke. Nenubungame. Kadi dibungama dienu nediandamuke disanka.

Luke 19:26

Mukalenga kuandamuna ne: “Ndi nnujadikila ne: muntu yonsu udi ne tshintu, nebamupeshe bipite. Kadi udi kayi ne tshintu, nebamunyenge ne tshikese tshidiye natshi.

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Yowanane 16:16

— Kunyima kua katupa kanuakummona to. Pashishe kunyima kua katupa nenummone kabidi.

Misambu 33:21

Tudi tusanka bikole bualu buende, tutekemena kudi Mvidi Mukulu wa tshijila.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

Yowanane 14:19

Kunyima kua katupa, ba panu kabakummona kabidi to. Kadi nuenu nenummone, bualu ndi ne muoyi, nuenu kabidi nenuikale ne muoyi.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.