Yowanane 16:16 - MUKANDA WA MYIDI MUKULU

¹⁶ — Kunyima kua katupa kanuakummona to. Pashishe kunyima kua katupa nenummone kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Haleha tshituha tshihi kanuena nuntangila, haleha tshituha tshihi kabidi nenuntangile.

Yowanane 16:16 交叉引用

Yowanane 7:33

Kadi Yezu kuamba ne: — Ntshidi kabidi nenu amu bua matuku utabala ku minu, pashishe nenye kudi uvua muntume.

Bienzedi 1:3

Kunyima kua lufu luende, uvua mumuenekele bapostolu misangu ne misangu, bua kubajadikila ne: ndi ne muoyi. Uvua mudileje kudibu matuku makumi anayi, ubambila malu a pa Bukalenga bua Mvidi Mukulu.

Yowanane 16:28

Ndi mufume kudi Tatu, mufike pa buloba. Mpindiewu ndi ngumuka pa buloba, mpingana kudi Tatu.

Yowanane 16:22

Ke munudi nubungama nuenu kabidi mpindiewu. Kadi nennumone tshiakabidi. Muoyi wenu neusanke. Kakuakuila muntu nansha umue udi mua kununyenga disanka dienu.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Yowanane 13:3

Yezu uvua mumanye muvuaye mutumine kudi Mvidi Mukulu, kabidi muvuaye ne bua kupingana kudi Mvidi Mukulu. Uvua mumanye kabidi nunua Mvidi Mukulu muteke bionsu ku bumfumu buende.

Yowanane 16:5

Mpindiewu nkadi mpingana kudi uvua muntume. Muntu wa kunudi nansha umue kena unkonka ne: “Uyaya penyi?”

Yowanane 13:33

Bana banyi, ntshidi nenu kabidi amu bua meba makese. Nenunkebe. Kadi ndi nnuambila mpindiewu bimvua muambile bena Yuda ne: kanuena mua kuya kundi nya.

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Marke 16:19

Mfumu Yezu mumane kuyukila ne balongi bende nanku, kumuambulabu mu diulu, kusombaye ku dia balume dia Mvidi Mukulu.

Yowanane 17:13

Kadi mpindiewu ndi mfika kuudi. Ndi ngakula nanku pantshidi pa buloba bua bikale ne disanka dianyi, disanka dijima munda muabu.

Yowanane 17:5

Tatu, mpindiewu umpeshe ku mesu kuebe butumbi bumvua nabu kabayi banji kufuka buloba.

Yowanane 16:10

Badi batupakana bua malu mimpe, bualu nyaya kudi Tatu, kabidi kanuakummona kabidi.