Yowanane 15:19 - MUKANDA WA MYIDI MUKULU

¹⁹ Bu nuenu bikale ba pa buloba, ba pa buloba batua mua kununanga bu bana babu. Kadi mvua munusungule, munusomone munkatshi mua ba pa buloba, bualu kanuena ba pa buloba to. Ke padi ba pa buloba banukina.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bu nuenu bikale ba ha buloba, ba ha buloba bakadi kusua bantu babo; kadi bualu bua nuenu kanuena ba ha buloba, nakunusungulula mu ba ha buloba, nunku ba ha buloba badi nʼenu lukuna.

Yowanane 15:19 交叉引用

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

Luke 6:32

“Panudi nunanga anu badi banunanga, munuapeta difutu dia pa buadi mmunyi? Nansha benji ba malu mabi badi bananga badi babananga.

1 Petro 4:3

Bualu ku kale nuvua bajimije meba mapite bungi, nuenza malu adi bantu badi kabayi bamanye Mvidi Mukulu basue kuenza. Nuvua bende mu njila mibi, balonde majinga mabi, bakuatshike maluvu, badie budiavi, banue bunuavi, batendelele mvidie mibi ya patupu.

Didimanyisha 12:17

Nyoka kufikila mukaji munda bikole. Kuyaye kuluisha ndelanganyi ya mukaji ivua mishale. Ke bantu bonsu badi batumikila mikenji ya Mvidi Mukulu, bitabe malu malelela avua Yezu mumanyishe.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Matayi 10:22

Bantu bonsu nebanukine, bualu nudi nungitabe Kadi wananukila ne ku ndekelu, nebamusungidile.

Matayi 24:9

Nanku bantu nebanukuate, nebanufile bua banukengeshe. Nebanushipe. Bisamba bionsu nebinukine, bualu nudi nungitaba.

Yowanane 6:70

Yezu kubandamuna ne: — Tshivua munusungule bonsu buenu dikumi ne babidi anyi? Kadi umue wenu ndiabolu!

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.