Yowanane 14:13 - MUKANDA WA MYIDI MUKULU

¹³ Nengenze bionsu binualomba mu dina dianyi, bua Muana amueneshe butumbi bua Tatu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nengenze malu onso anualomba mu dina dianyi, bua Tatu atumbishibue bua Muana.

Yowanane 14:13 交叉引用

Yowanane 15:7

Panudi bashale munda muanyi, kabidi miaku yanyi mishale munda muenu, lombayi binudi basue, nenubipete.

Marke 11:24

Ke pandi nnuambila ne: Panudi nutendelela bua kulomba tshintu, nuitabe ne: nudi bamane kutshipeta kundi, nebanupeshetshi.

Matayi 21:22

Bu nuenu nuitaba, nenupete bionsu binudi nulomba mu ditendelela.

Matayi 7:7

— Lombayi, nebanupeshe; kebayi, nenusangane; kokolayi, nebanunzuluile tshiibi.

1 Yone 5:14

Tudi tutekemena muetu muonsu kudi Mvidi Mukulu, bualu tudi bajadike ne: Mvidi Mukulu neatuteleje, patuikala bamulombe tshintu tshidi tshiumvuangana ne disua diende.

Yowanane 16:23

Pafika dituku adi, kanuakunkonka kabidi bualu to. Ndi nnujadikila ne: Tatu neanupeshe tshionsu tshinuamulomba mu dina dianyi.

1 Yone 3:22

Bionsu bitudi tulomba, tudi tubipeta kudiye, bualu tudi tulonda mikenji yende, tuenza tshidiye musue.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 14:14

Panudi nundomba tshintu mu dina dianyi, nentshienze.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Yowanane 16:26

Pafika dituku adi, nenulombe Tatu mu dina dianyi. Tshiena nnuambila ne: nennulombele kudi Tatu to.

Yowanane 10:30

Tatu ne meme tudi tshintu tshimue.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 12:44

Yezu kuela diyi dikole ne: — Muntu udi ungitaba, kena ungitaba nkayanyi, kadi udi witaba kabidi uvua muntume.

Luke 11:9

Nanku meme ndi nnuambila ne: lombayi, nenupete; kebayi, nenumone; kokolayi ku tshiibi, nebanunzuluile.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Yowanane 5:19

Yezu kuambila kabidi bamfumu ba bena Yuda ne: — Ndi nnujadikila ne: Muana kena udienzela bualu nansha bumue to. Udi wenza amu bidiye umona Tatu wenza. Tshionsu tshidi Tatu wenza, Muana udi utshienza kabidi.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Efeze 3:14

Ke pandi ntuila Mvidi Mukulu Tatu binu.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Yowanane 16:7

Kadi ndi nnujadikila ne: buenu nuenu bidi bimpe nye. Bualu meme tshiyi muye, udi mua kunuambuluisha kena ufika kunudi to. Kadi meme muye, nennutumineye.

Yowanane 13:31

Yudase mumane kupatuka, Yezu kuamba ne: — Mpindiewu butumbi bua Muana wa muntu budi bumueneka patoke. Butumbi kabidi bua Mvidi Mukulu nebudileje kudiye.

1 Korente 14:13

Nanku udi wakula mu miakulu idi bantu kabayi bamanye, udi mua kulomba kudi Mvidi Mukulu dipa dia kuyumvuija.