Yowanane 14:11 - MUKANDA WA MYIDI MUKULU

¹¹ Pandi nnuambila ne: ndi munda mua Tatu, kabidi Tatu udi munda muanyi, nungitabe. Nuitabile nansha bua malu aa andi ngenza.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nungitabushe ne, Meme ndi munda mua Tatu, Tatu udi munda muanyi; binuikala kanui nuenza nunku, nungitabushile bua malu mene antshidi ngenza.

Yowanane 14:11 交叉引用

Yowanane 10:38

Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.

Yowanane 5:36

Kadi meme, malu adi ajadika bulelela buanyi mmapite avua ajadika bulelela bua Yowanane. Malu andi ngenza, adi Tatu mumpeshe bua kuenza, ke adi ajadika bulelela buanyi, aleja kabidi ne: Tatu mmuntume.

Yowanane 10:25

Yezu kubandamuna ne: — Nkadi mumane kunuambila bualu ebu, kadi kanuena nungitaba to. Midimu indi nkuata ne bumfumu bua Tatu wanyi, idi injadikila bulelela.

Yowanane 14:10

Kuena witaba ne: ndi munda mua Tatu, kabidi Tatu udi munda muanyi anyi? Miaku indi nnuambila buonsu buenu kayena ifuma kundi. Kadi Tatu udi ushala munda muanyi, ke udi ukumbaja midimu yende.

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Ebrewu 2:4

Mvidi Mukulu uvua kabidi mujadike bulelela bua bivuabu bambe ku bishima ne ku malu a kukema a mishindu yonsu. Uvua muabanye kabidi mapa a kudi Mueyelu wa Tshijila muvuaye musue.

Yowanane 10:32

Ke Yezu kubambila ne: — Ndi mukuate midimu mivule mimpe ku mesu enu ne bumfumu buvua Tatu mumpeshe. Ku midimu eyi, mbua mudimu kaayi bunudi basue kunshipela ne mabue?

Yowanane 14:20

Dituku adi, nenujingulule ne: ndi munda mua Tatu wanyi, nuenu kabidi nudi munda muanyi, meme munda muenu.