Yowanane 13:34 - MUKANDA WA MYIDI MUKULU

³⁴ Ndi nnupesha mukenji mupiamupia ne: Nunangangane. Nudi ne bua kunangangana mundi mununange.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Ndi nuelela mukenshi muhia-muhia ne, Nusuangane; nusuangane bu munakunusua.

Yowanane 13:34 交叉引用

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Lewitiki 19:18

Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange. Bualu Meme ndi Maweja-Nangila.

Yowanane 15:17

Nanku mukenji undi nnuela udi ne: nunangangane.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

Ngalate 6:2

Ambuluishanganayi bua kuambuishangana majitu. Ke munudi nutumikila mikenji ya Kristu nanku.

1 Yone 3:23

Ke mukenji udiye utuelela: tuitabe Muanende Yezu Kristu, tunangangane kabidi, muvua Kristu mututumine diyi

1 Yone 4:21

Mukenji uvua Kristu mutuambile udi nenku: muntu udi unanga Mvidi Mukulu, udi ne bua kunanga kabidi muanabu.

Yakobe 2:8

Bushuwa, nudi nuenza bimpe, panudi nutumikila mikenji ya Bukalenga, mudi Mukanda wa tshijila uyilongesha ne: “Unange muntu nebe, bu muudi mudinange.”

1 Tesalonike 3:12

Mfumu adiundishe dinangangana dienu, ne dinanga dinudi nunanga nadi bantu bakuabu bonsu, dikale difuanangane ne ditudi banunange nadi.

Rome 12:10

Nanganganayi, mudi bana ba muntu umue banangangana. Nunemekangane ne disuminyina.

2 Yone 1:5

Mpindiewu, Mukaji munanga, ndi nkusengelela ne: tunanganganayi. Mukenji undi nkuambila ewu kawena mupiamupia nansha. Kadi ke mukenji utuvua bapete biangatshile ku ntuadijilu.

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

1 Yone 3:11

Lumu lunuvua bumvue biangatshile ku ntuadijilu luvua nenku: tunangangane.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

Ebrewu 13:1

Nunangangane ne dinanukila bualu nudi bana babu ne Kristu.

2 Tesalonike 1:3

Bana hetu, tudi tuela Mvidi Mukulu tuasakidila bualu buenu, katuyi tupungila. Bidi bimpe bua tuetu kuenza nanku, bualu ditaba dienu didi diya amu kumpala, dinanga kabidi didi yonsu wa kunudi munange nadi bakuabu didi didiunda amu kudiunda.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

2 Petro 1:7

ku dinemeka Mvidi Mukulu diumvuangana dia buena muntu, ku diumvuangana dia buena muntu dinanga.

Kolose 1:4

Bualu tudi bumvue lumu lua munudi nuitaba Yezu Kristu, nunanga bantu bonsu badi bitaba Mvidi Mukulu.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Misambu 119:63

Ndi mudie bulunda ne badi bakunemeka bonsu, ne badi banemeka kabidi mikenji yebe.

Misambu 16:3

Bantu badi bitaba Mvidi Mukulu mbena diakalenga, ndi nsankila kudibu.

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

Rome 13:8

Kanuikadi dibanza ne muntu, pa kumusha dia dinangangana. Muntu udi unanga bakuabu, udi ukumbaja bionsu bidi mikenji Uufundila.

Rome 13:10

Muntu udi unanga mukuabu, kena umuenzela bualu bubi nansha bumue. Patudi tunangangana, tudi tukumbaja mikenji yonsu mu bujima buayi.