Yowanane 13:3 - MUKANDA WA MYIDI MUKULU

³ Yezu uvua mumanye muvuaye mutumine kudi Mvidi Mukulu, kabidi muvuaye ne bua kupingana kudi Mvidi Mukulu. Uvua mumanye kabidi nunua Mvidi Mukulu muteke bionsu ku bumfumu buende.

Mukanda wa Nzambi Dihungila Dikulukulu ne Dihungila Dihia-dihia 2003

³ hakamanya Yesu ne, Tatu wanyi wakufila bintu bionso mu bianza bianyi, nakufuma kudi Nzambi, nempingane kudi Nzambi;

Yowanane 13:3 交叉引用

Yowanane 3:35

Tatu mmunange Muana; mmuteke bionsu ku bumfumu buende.

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Ebrewu 1:2

Kadi matuku a ndekelu aa, mmutuambidilewu kudi Muanende. Kudiye nkudi Mvidi Mukulu mufukile bintu bionsu. Yeye ke udi Mvidi Mukulu musungule bua apiane bintu bionsu.

Yowanane 17:2

Bualu uvua mumupeshe bumfumu pambidi pa bantu bonsu, bua apeshe bonsu baudi mumupe muoyi wa tshiendelele.

Yowanane 8:42

Yezu kubandamuna ne: — Bu Mvidi Mukulu muikale Tatuenu bulelela, nuvua mua kunnanga. Bualu meme ndi mutumine kudi Mvidi Mukulu. Ndi panuapa mu dina diende. Tshiena mudivuile mu dina dianyi to. Kadi yeye ke uvua muntume.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

1 Korente 15:27

Bualu Mukanda wa tshijila udi wamba ne: “Mvidi Mukulu mmumutekele bionsu kuinshi kua makasa.” Kadi padibu bamba ne: “Mmumutekele bionsu kuinshi kua makasa ende,” muaku ewu: “bionsu” kawena musue kuamba ne: Mvidi Mukulu, udi muteke bionsu ku bumfumu bua Kristu mmuditeke ne yeye mene nanku.

Bienzedi 2:36

Nuenu bena Izrayele bonsu, nujadike ne: Yezu ewu, unuvua bapopele pa mutshi mutshiamakane, ke yeye udi Mvidi Mukulu muteke Mfumu ne Kristu!

Yowanane 13:1

Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Yowanane 7:33

Kadi Yezu kuamba ne: — Ntshidi kabidi nenu amu bua matuku utabala ku minu, pashishe nenye kudi uvua muntume.

Yowanane 7:29

Meme ndi mumumanye, bualu ndi mufume kudiye. Yeye kabidi ke udi muntume.

Yowanane 3:13

Muntu nansha umue kena muanji kubanda mu diulu, pa kumusha Muana wa muntu udi mufume mu diulu!

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

Yowanane 8:14

Yezu kuandamuna ne: — Nansha meme ndijadikila malu anyi, bindi ngamba bidi bilelela. Bualu ndi mumanye kundi mufume, nansha kundi nya. Kadi nuenu kanuena bamanye kundi mufume, nansha kundi nya.