Yowanane 13:22 - MUKANDA WA MYIDI MUKULU

²² Balongi kutangilangana, kabayi mua kumanya uvuaye wamba.

Mukanda wa Nzambi Dihungila Dikulukulu ne Dihungila Dihia-dihia 2003

²² Bayidi bakatangilangana, bela mpata munda ne, Udiye wamba nganyi?

Yowanane 13:22 交叉引用

Luke 22:23

Ke balongi kukonkanganabu ne: munkatshi muetu emu, udi mua kuenza bualu abu nnganyi?

Marke 14:19

Balongi kubanga kunyingalala, bamukonka ku muntu ku muntu ne: — Udi mua kuikala meme anyi?

Matayi 26:22

Balongi kunyingalala bikole. Kukonkabu Yezu ku muntu ku muntu ne: — Mfumu, uudi wamba, mmeme anyi?

Genese 42:1

Yakobe umvua ne: biakudia bidi mu Ejipitu, kuambilaye bana bende ba balume ne: — Nukadi basombe tshianana, kanuyi ne tshinudi nuenza.

Matayi 26:21

Pavuabu badia, Yezu kuamba ne: — Ndi nnujadikila bulelela ne: umue wa kunudi neanyile mu tshitungu.

Marke 14:18

Pavuabu badia ku mesa, Yezu kuamba ne: — Ndi nnujadikila ne: umue wa kunudi, utudi tudia nende, neantungile tshitungu.

Luke 22:21

Kadi monayi: muntu udi mungelele tshitungu udi muaba ewu. Tudi nende ku mesa.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 13:21

Yezu mumane kuamba nanku, kulubakanaye bikole. Kuambilaye balongi bende ne: — Ndi nnujadikila ne: umue wa kunudi neantungile tshitungu.