Yowanane 12:34 - MUKANDA WA MYIDI MUKULU

³⁴ Bantu bavule kumuandamuna ne: — Tudi balonge mu Mikanda ya mikenji yetu ne: Meshiya neashale ne muoyi tshiendelele. Nanku muudi mua kuamba ne: Muana wa muntu nebamuele kulu mbishi? Awu Muana wa muntu nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bantu bakamukonka ne, Tuakunvua mu mikenshi ya Nzambi ne, Kilisto udi wikala tshiendelele; ahu munyi mûdi wamba ne, Budi nʼabu Muana wa muntu mbua kubishibua? Eu Muana wa muntu nganyi?

Yowanane 12:34 交叉引用

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

2 Samuele 7:13

Muanebe awu, neangibakile nzubu. Nemmujadike mu bukalenga kashidi.

Rome 5:18

Nanku bu muvua bubi bua muntu umue ewu, Adame, bupisha bantu bonsu, ke mudi malu mimpe a muntu umue, Yezu Kristu, abingisha bantu bonsu kumpala kua Mvidi Mukulu, abapetesha muoyi.

Mika 4:7

Nensangishe badi batapike, tshisamba tshifululuke. Nengangate badi mu bupika, bashale tshisamba tshinene. Meme Maweja-Nangila, nengikale ku mutu kuabu, biangatshile ku Siyone, ku dituku adi too ne tshiendelele.

Misambu 72:7

Matuku adiye mu bukalenga, bakose nsambu amu pa yoyi. Bupole ne diakalenga bivulangane mu ditunga, too ne muajimina ngondu kashidi!

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Yowanane 15:25

Kadi bidi bienzeka nanku bua miaku ikumbane idibu bafunde mu mukanda wa mikenji yabu ne: “Mbankine kapayi bualu.”

Yowanane 12:32

Kadi meme, pangelabu kulu, nenkoke bantu bonsu kundi.

Yowanane 10:34

Yezu kubandamuna ne: — Mu mukanda wenu wa Mikenji mbafunde ne: Mvidi Mukulu uvua muambe ne: “Nudi nwidie.”

Yeshaya 53:8

Bavua bamukuata, bamulumbuluisha, baya nende bua kumushipa. Kadi uvua mua kumuakuila nnganyi? Bavua bamumbusha mu buloba bua ba muoyi, bamushipa, amu bua mibi ya bantu bende.

Matayi 21:10

Pavua Yezu mubuele mu Yerushalayime, bantu bonsu bavua bapampakana, bakonkangana ne: — Ewu nnganyi?

Matayi 16:13

Yezu kuya mu buloba buvua pabuipi ne tshimenga tshia Kezareya wa Filipe. Kukonkaye balongi bende ne: — Bantu badi bamba ne: Muana wa muntu nnganyi?

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Yowanane 8:28

Ke Yezu kubambila ne: — Nuenu bamane kuela Muana wa muntu kulu, nenumanye ne: “ndi mundi.” Nenujingulule ne: tshiena ndienzela bualu nansha bumue nkayanyi. Kadi ndi ngamba amu malu adi Tatu mundongeshe.

Ebrewu 7:24

Kadi Yezu udi ne muoyi kashidi. Nenku mudimu wende wa butuangaji kabena ne bua kuupiana kudi muntu mukuabu.